اسلام آباد۔19اپریل (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ حکومت ءُ فوجی ادارگ ملک ءَ را ناشرکاری ءَ چہ آجو کنگ ءُ ملک ءَ را اقتصادی دیمروئی ءِ راہ ءَ ایر کنگ ءِ واستہ جزمیگ اَنت۔ مسلمان امت ءُ قوم ءِ دیم ءَ اوشتاتگیں جیڑہانی گیش ءُ گیوار ءِ ھاترا علامہ اقبال ءِ فکری فکر ءِ زورگ ءِ ضلورت انت۔ شمبے ءِ روچ ءَ پارلیمانی کارانی وفاقی وزیر ڈاکٹر طارق فضل چوہدری ءَ پاکستان نیشنل کونسل آف آرٹس ءَ ’’اقبال روچ‘‘ ءِ مراگش ءَ گوں تران کنان ءَ گوشت کہ علامہ اقبال ءِ شاعری استیں دور ءِ جاور ءُ لوٹ آنی رد ءَ اِنت۔ اقبال ءِ شاعری ءِ تہا امت ءُ راج ءِ دیم ءَ اتکگیں انوگیں اختلافات ءُ جیڑہانی پجار ءُ گیشواری کنگ بیت۔ ورناہانی بابت ءَ الّامہ اقبال ءَ وتی گالانی تہا آہانی رھشونی کتگ کہ تئی سوچ ءُ پرواز چون بہ بیت؟ تو دنیا ءِ مزنیں راجے ئے، تئی ھمک شئر ءِ تہ ءَ سبک مان اِنت۔ علامہ اقبال ءِ شاعری مرچیگیں جاوراں گوں ہمگرنچ انت۔ اقبال ءِ دور ءَ مسلم امت ءِ جیڈھ گیش ءُ گیوار نہ بوتگ انت۔ من ھم اودا بوتگ آں کہ آئی ءَ وتی گپانی تہا کور کتگ بلے مرچی اے جیڑہ گیشتر گیش بوتگ انت، مسلمانیں ملک کہ وتی پاداں اوشتاتگ انت، آ کہ پیشرفت کتگ انت آ دژمن ءِ نشانگ انت، عراق، شام، اردن، اوگانستان ءِ مثال ھرکس ءِ دیم ءَ انت، نوں پاکستان ایشانی نشانگ انت، ءُ جاور ھال دیم ءَ اتکگ انت اقتصادی an we محنتی ٹیم فعال انت۔ آئی ءَ گوشت کہ اسٹیبلشمنٹ ھمک ملک ءِ لوٹ انت ءُ ایشی ءَ ابید دگنیا ءَ ھچ ملک چل ات نہ کنت بلے بدبھتی ءَ مئے ملک ءَ اسٹیبلشمنٹ ءِ سر ءَ ایراد گرگ ءَ چہ سیاسی سوبمندی ءِ گرگ ءِ کوشست کنگ بیت۔ آئی ءَ گوشت کہ ناشرکاری یکیں وھد ءَ پدا نہ اتکگ، نواز شریف ءِ گوستگیں دور ءَ اے راکشس ملک ءَ چہ سرجم ءَ ھلاس کنگ بوتگ بلے بدبھتی ءَ ناشرکاری یک رندے پدا منصوبگ بندی کنگ بوھگ ءَ اِنت ءُ پاکستان ءِ دژمن ناشرکار آناں فنڈنگ کنگ ءَ اَنت، وتی کمک ءُ سلاہ آنی گوما اے ناشرکار ملک ءَ مزنیں چافو جوڑ کن اَنت۔ آئی ءَ گوشت کہ سرکار ءُ فوجی ادارگ ملک ءَ را ناشرکاری ءَ چہ رکّینگ ءِ واستہ جزمیگ اَنت۔ ءُ ملک ءَ را اقتصادی دیمروئی ءِ راہ ءَ ایر کنت۔
