اسلام آباد۔19اپریل (اے پی پی):نائب مزن وزیر ءُ درئی کارانی وزیر اسحاق ڈار ءَ اوگانستان ءِ ادارکی مزن وزیر ملا محمد حسن آخند ءَ گوں گند ءُ نند کت۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیام ءَ سیکورٹی، تجارت، ٹرانزٹ کمک ءُ الس ءِ نیام ءَ سیادی ءَ ھوار وت مہ وتی مفاد ءِ جیڈھ آنی سر ءَ سرجمیں رنگ ءَ گپ ءُ تران بوتگ۔ گند ءُ نند ءَ دوئیں ملک آنی نیام ءَ براتی سیادی ءَ را گیش مھکم کنگ ءِ واستہ مزن تک ءِ تبادلہ ءِ ارزشت ءِ سر ءَ پدا زور پر دیگ بوت۔
