کوئٹہ۔ 16 فروری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر اسہ خصوصی ءُ بیان اسے ٹی پارینے کہ الیکشن 2018 نا نسبت 2024 نا گچین کاری تیٹی ووٹنگ ٹرن آؤٹ کم ئس۔ داسال ووٹنگ ٹرن آؤٹ 47.6 درسد ئس وخت اس کہ 2018 نا گچین کاری ووٹنگ ٹرن آؤٹ 52.1 درسد ئس، ہڑتوم آ گچین کاری تا نیام اٹ ووٹنگ ٹرن آؤٹ اٹی پرخ 4.5 درسد کم ئس، الیکشن 2024 اٹی 6 کروڑ 6 لکھ ووٹر وونٹ انا حق ءِ کاریم اٹ ایسر، اوپارے کہ پاکستان 2018 نا اڈ ہلوک گچین کاری تا نسبت 58 لکھ زیات وونٹ پول کننگا، البتہ وونٹ شاغنگ نا کچ کم ئس، سال 2018 ٹی رجسٹرڈ ووٹرآتا کچ 10 کروڑ 60 لکھ ئس، وخت اس کہ 2024اٹی 12 کروڑ 86 لکھ ئس، قومی اسمبلی ٹی غٹ آن زیات ٹرن آؤٹ این اے 214 تھرپارکراٹی 70.9 درسد ئس، ایلو کنڈآ غٹ آن کم ٹرن آؤٹ این اے 42 سویلی زیرستان اٹی 16.3 ئس، 2018 ٹی اسلام آباد اٹی ٹرن آؤٹ 58.3 درسد ئس وخت اس کہ 2024 ٹی ٹرن آؤٹ 54.2 درسد ئس، اوپارے کہ صوبہ خیبرپختونخواٹی 2018 نا ووٹرٹرن آؤٹ 44 درسد ئس وخت اس کہ 2024 اٹی ٹرن آؤٹ 39.5 درسد ئس، پنجاب اٹی 2018 نا ووٹر ٹرن آؤٹ 56.8 درسد ئس وخت اس کہ 2024 اٹی 51.6 درسد ئس، صوبہ سندھ اٹی 2018 نا ٹرن آؤٹ 47.2 درسد ئس وخت اس کہ 2024اٹی 43.7 درسد ئس۔ بلوچستان اٹی 2018 نا ٹرن آؤٹ 45.3 درسد ئس، داسال دا 42.9 درسد ئس، 2024اٹی زالبول ووٹرآتا ٹرن آؤٹ 10 درسد آن کم الوکہ، نیشنل اسمبلی نا 254 حلقہ غاتیٹی زالبول ووٹرآتا کچ 29 لکھ و نرینہ ووٹرآتا کچ 11 لکھ ودا، چیئرمین قائمہ کمیٹی مستی پارے کہ نیشنل اسمبلی نا 254 حلقہ غاتیٹی نرینہ ووٹرآتا ٹرن آؤٹ 55.6 درسد وخت اس کہ زالبول آتا 45.6 درسد ئس۔ داسال مروک آ گچین کاری تیٹی جم وڑاٹ 2 کروڑ آن زیات ووٹرآتا کچ ودا، گمان کننگاکہ کہ داورناووٹرآتا ودکی نا سوب آن ٹرن آؤٹ بھلن مریک۔ ولے داوڑمتو، دانا سوب ورناتا تینا سرکڑدہ غاتیا بے پتی ءِ۔ اینونا ورنا ووٹرآک تینا نمائندہ غاتیان مایوس و بددل مسنو انتئے کہ او چارہ کہ سیاست دانک اوفتا ویل آتے ایسر کپسہ و اوفتے ٹی بھلو کچ اسے آ وعدہ خلافی نا رجحان مریک۔
