اسلام آباد۔ 16 فروری (اے پی پی) وزارت قومی جان جوڑی ، جان جوڑ عادت آتا مون آ دننگ کن وزارت جان جوڑی و اوڑتون گنڈوک ادارہ غاتا دیوان تیٹی ہنین آ شربت آتا کاریم اٹ اتنگ آ پابندی عائد کننگ نا پارت جاری کرینے۔ وزارت نا کنڈآن جمعہ نادے آ جاری ایڈوائزری نا رداٹ وزارت نیشنل ہیلتھ سروسز، ریگولیشنز اینڈ کوآرڈی نیشن کاریم نا جاگہ غا جان جوڑ چاگڑد و جان جوڑی اتون وابستگی نا مون آ دننگ کن وزارت و اوڑتون گنڈوک محکمہ غاتیٹی سرکاری دیوان تیٹی ہنین آ شربت آتا کاریم اٹ اتنگ آ پابندی ءِ نافذ کننگ نا پارت کیک۔ دا گام انا مسخت اسہ مثبت ءُ دروراس قائم کننگ، جان جوڑ زند انا طرز انا گچینی نا است بڈی ءِ کننگ و ہندن ءُ چاگڑد اسے مون آ دننگ ہراملازم آتا راجی آسودہی ءِ اولیت ایتک۔ ایڈوائزری ٹی پاننگانے کہ پین وخت اس دیوان تیٹی ہچ وڑنا شربت پیش کننگپک بلکن ادارہ نا ملازم آتیکن ہم دافتا کاریم اٹ اتنگ نا حوصلہ شکنی ءِ کننگک ہرانا مسخت غیر متعدی ناجوڑی دُن کہ شوگر و موٹاپا غان بچنگ ، اوناخطرہ غاتا عنصرنا مون ءِ توننگ و جان جوڑی ءِ مون آ دننگ ءِ۔
