اسلام آباد۔ 16 فروری (اے پی پی) پاکستان وترکیہ نا نیام اٹ 18 می ’’پاک ۔ ترکیہ بڑزکو کہولی ملٹری ڈائیلاگ گروپ (ایچ ایل ایم ڈی جی) دیوان اٹی ہیلکاری مشق، دورہ غاتا تبادلہ و دفاعی گڑاتا اسیجائی پیدوار نا بابت دفاعی کمکاری نا بابت امور آ گپ وتران کننگا۔ وزارت دفاع نا کمامدارآتا رداٹ پاکستان و ترکیہ نا نیام اٹ 18 می’’پاک ۔ ترکیہ بڑزکو کہولی ملٹری ڈائیلاگ گروپ (ایچ ایل ایم ڈی جی) نا چاردے ئی دیوان 13 غان 16 فروری 2024 اسکان وزارت دفاع راولپنڈی ٹی اڈہلک۔ گروپ دیوان اٹی پاکستانی ڈل انا کماشی ءِ سیکرٹری دفاع، لیفٹیننٹ جنرل (ر) حمود الزماں خان وخت اس کہ ترکیہ نا ڈل انا کماشی ءِ ترکیہ نا ڈپٹی چیف آف جنرل اسٹاف عرفان زوسرٹ کریکہ۔ گروپ دیوان نا باضابطہ سیشن نا اڈتننگ آن مست ترکیہ چیف آف جنرل سٹاف سیکرٹری دفاع ، لیفٹیننٹ جنرل (ریٹائرڈ) حمودالزماں خان تون اوڑدہی کرے۔ ہڑتوم آراہشونک دفاعی کمکاری نا رفتار آ است جمی نا درشانی ءِ کریر و اودے پوسکن آ بڑزی تسکان دننگ نا قول کریر۔ سلامتی، انسداد دہشت گردی وساڑی علاقائی، و جغرافیائی وسیاسی امورآ شرہ مس۔ داکان بیدس، ڈل آک تدوک آ سال ترکی دیوعان نا اڈتننگ آن پد آن داتم اسکان مروک آ پیش رفت نا جاچ ءِ ہلکر۔ ہیلکاری مشق، دورہ غاتا تبادلہ و دفاعی گڑاتا اسیجائی پیدوار نا بابت دفاعی کمکاری نا بابت امور آ گپ وتران کننگا۔ گپ و تران بے کچ خوشگوار چاگڑد اٹی مس۔ ڈل انا راہشونک دفاع و سلامتی نا بشخ آتیٹی کمکاری ءِ ودفنگ کن اواری اٹ کاریم کننگ نا عزم کریر۔ داہیت آ امنا کننگاکہ پاکستان۔ ترکیہ گروپ نا 19 می دور 2025 اٹی تین پہ تینی وڑاٹ طے مروک تاریخ آتیا ترکی ٹی اڈ ہلیک۔
