میچ پاکستان نا معیاری وخت انا رداٹ 2بجہ ئُ 30 منٹ آ بناءکیک
لندن۔ 07جون (اے پی پی) بھارت نا کرکٹ ٹیم آئی سی سی چیمپیئن ٹرافی کرکٹ ٹورنامنٹ اٹی تینا گروپ بی انا ارٹ میکو میچ ئِ (اینو) پنچ شنبے نا دے سری لنکا نا برخلاف لندن نا ہند اٹی گوازی کیک۔ میچ ڈے مریک و پاکستان نا معیاری وخت انا رداٹ 2بجہ ئُ 30 منٹ آ بناءکیک۔ داکان مست بھارتی ٹیم تینا گروپ نا اسہ میچ اس گوازی کرینے ہراٹی او پاکستان نا ٹیمئِ 124رنز اٹ شکست ترسا اِرا پوائنٹ حاصل کرینے۔ آئی سی سی چیمپیئن ٹرافی کرکٹ ٹورنامنٹ اٹی انگلینڈ نا ٹیم تینا گروپ آن سیمی فائنل اٹی رسینگانے۔ یات سلے کہ آئی سی سی چیمپیئن ٹرافی کرکٹ ٹورنامنٹ نا اولیکو سیمی فائنل میچ 14جون آ گوازی کننگک، ارٹ میکو سیمی فائنل میچ 15جون آ وخت اس کہ فائنل میچ 18جون آ گوازی کننگک۔
