کوئٹہ۔ 20 دسمبر (اے پی پی):بی این اے ءِ کمانڈر سرفراز بنگلزئی پد نام مرید بلوچ وتی ھپتاد 70 ھمبراہ آنی گوما راجی ھمگامی لڑ ءَ ھوار بوتگ۔ اے موہ ءَ ادارکی صوبائی وزیر اھوالکاری ءُ ادارکی صوبائی وزیر تہی کار ءِ ھمبراہی پریس کانفرنس ءَ گوں گشتانک دیان ءَ گوشتگ کہ منی سیادی مستونگ ءِ دمگ اسپلنجی ءَ چہ انت۔ 1991 ءَ بگر تراں 2009 ءَ تاں سرکاری مزدگر ءِ بوتگ آں ءُ وشھالیں زندمان ءِ گوازینگ ءَبوتگ آں منی کرا وتی جائیداد ءُ زھگ جوانیں اسکول ءَ وانگ ءَ بوتگ انت۔ 2009 ءَ لستیں مردم آنی گپاں چہ رد کپتگ آں ءُ وتی ھمبراہ آنی گوما جنگ ءُ چوپ ءِ پڑ ءَ ھوار بوتگ آں۔ وتی نزیکیں ساتھی، رشتہ دار ءُ دو زھگ آناں ھم قربان کتگ۔ آ وھد ءَ ھمے پھم اتگ بوتگ کہ بلوچانی ھک آنی پھازگ ءِ ھاترا جہد ءُ کوشست کنگ ءَ آں۔ بلے من چارتگ کہ مئے چپ ءُ چاگرد ءَ لستیں مردم عیش ءُ عیاشی ءِ زندمان گوازینگ ءَ انت۔ گیش جھلانک ءَ چارتگ گڈا دیستگ کہ بازیں گل بھتہ خوری، منشیات فروشی ءُ مردم آنی آوار جنگ ءَ گوں دست مان جن انت ءُ وت عیش کنگ ءَ انت۔ اے توامیں چیز کہ من دیستگ آں گڈا من سما کتگ کہ ادا قومیت ءُ اے سرزمین ءِ وستہ اچ رنگیں جنگ نہ بوھگ ءَ انت مردم ایوک ءَ وتی زاتی سیت آنی واستہ کودکیں بلوچ آناں کوشارینگ ءَ انت۔ آئی ءَ گوشت کہ من وتی جنز ءِ تہ ءَ سوال ءُ جست ءُ پرس کنگ ءِ پد ءَ من ءَ سائیڈ لائن کنگ بوتگ۔ آئی ءَ گوشت کہ بلوچ آنی ھون بلوچ آنی دست ءَ کنائینگ بوتگ ءُ انوگ ءَ تاں ایش جاڑی انت اے توامیں پندل آنی تہ ءَ انڈیا دست مانجن انت۔ اے توامیں چیز آنی گندگ ءَ چہ من گوں اے رنگیں جنز ءَ یک کر بوھگ ءِ پیسلہ کتگ ءُ راجی ھمگامی ءِ لڑ ءَ ھوار بوھگ ءِ پیسلہ کتگ ءُ من ءُ منی 70 ھمبراہ راجی ھمگامی لڑ ءَ ھوار بوتگ انت۔ آئی ءَ گوشت کہ ضلع آواران ءَ 2014 ءَ چہ یک گلے ءَ 155 اے رنگیں کودکیں ءُ لس بلوچ آناں کشتگ آوانی اچ کسور نہ بوتگ آئی ءَ گوشت کہ من ءَ وتی گہگیری زندمان ءِ ساھت ءَ شر سرپد بوتگ آں کہ بلوچستان پاکستان ءِ لازم ءُ المی انت۔ گلزار امام شمبے ءِ گوما ریاست ءَ آئی ءِ گوما ھما بے مٹیں سلوک کتگ ھمیشی ءَ منی اوست ءَ را گیش ودینتگ، بلوچ مات آنی واستہ کلوہ ات کہ وتی زھگ آناں ڈنی ملک آنی سیت آنی ھاترا اشکر بوھگ ءُ سچگ ءَ چہ بہ رکھیناں۔ ریاست ءِ گوما منی دزبندی انت کہ ارچ مردم کہ اے کشک ءَ یل کتگ لوٹ ائیت آرا راجی ھمگامی لڑ ءَ ھوار کنگ بہ بیت، بلوچ ورناآں گوں دزبندی انت کہ آ ڈنی دھوکہ ءُ بٹاک آں چہ رد مہ کپ انت۔ آئی ءَ گوشت کہ کانود ءَ را مھکم داروکیں مردم آنی کوشست آناں ساڑاھاں آواں جوانیں منصوبگ بندی کتگ ءُ ایشی ءِ سروکی کتگ۔ آئی ءَگ وشت کہ بلوچستان ءَ جیڈھ آنی گیواری کرپشن ءَ چہ یک کر بوھگ ءَ چہ بوت کناں۔ ادارکی سر وزیر اھوالکاری جان اچکزئی ءَ گشتانک دیان ءَ گوشت کہ بھارت ءِ پاکستان دژمن پندل آنی درستاں چہ مستریں سیم سر بلوچستان بوتگ چیا کہ اے گپ پاکستان دژمن آںی زانت انت کہ پاکستان ءِ دیمروئی ءِ کشک بلوچستان ءَ چہ روت انت ھمے واستہ بھارت بازیں سال آں چہ جاور آنی ھراب کنگ ءِ کوشست ءَ کنگ ءَ انت بلے انوں بلوچستان ءِ بلدکاریں شاہزانیں الس آں اے پندل آں چہ شر سرپد بوتگ انت۔ گلزار امام شمبے ءِ بی این اے ءَ چہ یک کرد بوھگ ءَ چہ پد ڈپٹی کمانڈر سرفراز بنگلزئی کمانڈر جوڑ بوتگ بلے آئی ءَ را نوں سما بوتگ کہ دژمن ءِ پندل چے انت آ مئے سر ڈگار ءَ را بن دیگ لوٹ ائیت ادارکی صوبائی وزیر اھوالکاری ءَ گوشت کہ پاکستانی ریاست ءَ وتی توامیں ناراضیں مردم آنی گوما مات ءِ وڑیں سلوک کتگ ھمے سبب ءَپاکستان دژمن ھاٹیگ ھمک جاہ ءَ شکست ورگ ءَ انت۔ ادارکی صوبائی وزیر تہی کاری کیپٹن (ر) میر زبیر جمالی ءَ راجی ھمگامی لڑ ءَ ھوار بوھگ ءَ را وش اتک کناں آئی ءَ گوشت کہ سرڈگار مئے مات انت ایشی ءِ سر ءَ ھرچی کہ ما است آں مئے گہار ، برات ءُ زھگ ما درست یک مشتاں ئپ تاں وھد ءِ کرپشن ءِ ھلاسی ءُ وانگ ءُ زانگ ءِ سر ءَ فوکس مہ بیت، ما دیمروئی ءِ منزل آں سر کت نہ کناں۔
