دنیاءَ ٹیکنالوجی ءِ سوب ءَ چہ دیمروئی کنگ بوتگ، غلام اسحاق خان انسٹیٹیوٹ     ءِ کیمپس سرجمیں ملک ءَ  بہ بیت، ادارکی مزن وزیر ءِ تران

صوابی۔20دسمبر  (اے پی پی): ادارکی مزن وزیر انوار الحق کاکڑ ءَ گشتگ کہ دنیاءَ ٹیکنالوجی ءِ سوب ءَ چہ دیمروئی کنگ بوتگ، وانگء ُ زانگی ادارگ منی دل ءِ نزیک ءَ اَنت، اسلام ءِ تہا وانگء ُ زانگءِ سرءَ زور پِر دیئگ بوتگ، علم ءِ سوب ءَ  حضرت آدم ؑ ءَ را فرشتگاں چہ گیش ارزشت  داتگ، غلام اسحاق خان انسٹیٹیوٹ آف انجینئرنگ سائنسز و ٹیکنالوجی ءِ کیپمس سرجمیں پاکستان ءَ بہ بنت۔ اے ھیالانی درشانی آئیءَ غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی ٹوپی ءَ نودربرآنی گوما تران کنانءَ کتگ۔ ادارکی مزن وزیرءَ گشتگ کہ من اے ادارگءِ ترء ُتاب 90 ءِ داہک ءِ گڑسرءَ کتگ بوتگ۔ اے  باز جوانیں  ادارگ اِت۔ اے انسٹیٹیوٹ ءِ جوڑ کنگءِ واب ہما مردماں  کہ دیستگ آیاناں دادءُ سلام پیش کناں۔ غلام اسحاق خان  انسٹیٹیوٹ ءِ واسیلگ ءَ پاکستان دنیاءَ علم ء ُ ٹیکنالوجی ءِ پڑءَ وتی بہر مان کنگءَ اِنت۔ آئیءَ گشتگ کہ اے ادارگ ءِ کیمپس  درائیں صوبہ آنی تہا بہ بنت۔ بندات ءَ اسلام آباد ءَ ایشی ءِ کیمپس ءِ جوڑ کنگ ءِ ہوالگءَ چارء ُبچار کنگ ءَ اَنت۔ ما ایشی ءِ ھاترءَ وتی سرجمیں  کردءَ پیلو کناں۔ آئیءَ گشتگ کہ وانگء ُ زانگی ادارگانی تہا فیکلٹی ءِ ارزشت باز گیش اِنت۔ اے  ادارگانی تہا  وانوکیں  ورناہیں نسل بانداتءِ راہشون اَنت۔