بلوچستان ءِ سروزیر ءِ سروکی ءَ دیوان ، ٹیکنیکل ایجوکیشن اینڈ ووکیشنل ٹریننگ اتھارٹی  ءِ گشاد کنگءِ ھاترءَ حاسیں کمیٹی جوڑ کتگ

کوئٹہ۔ 20 دسمبر (اے پی پی): بلوچستان ءِ ادارکی سروزیر میر علی مردان خان ڈومکی ءِ سروکی ءَ بلوچستان ٹیکنیکل ایجوکیشن اینڈ ووکیشنل ٹریننگ اتھارٹی ءِ بورڈ ءِ ہشتمی دیوان چارشمبے ءِ روچءَ بوتگ کہ  آئیءِ تہا صوبائی ادارکی وزیر امجد رشید،  ڈاکٹر قادر بخش بلوچ ،ایڈیشنل چیف سیکرٹری ترقیات و منصوبہ بندی عبدالصبور کاکڑ،  محکمہ خزانہ ، نیف ٹیک ء ُ ایندگہ ہمگرنچیں ادارگء ُ محکمہ آنی حکام ہوار بوتگ اَنت، سروزیرءَ ٹیکنیکل ایجوکیشن اتھارٹی گشاد  کنگء ِ ھاترءَ حاسیں کمیٹی جوڑ کتگء ُ اِشتاپی گامگیج چست کنگءِ پنتء ُ شون کتگ۔ دیوان ءَ گوں تران کتگء ُ سروزیرءَ گشتگ کہ  جدید دورءَ سرجمیں دنیاءَ روایتی ءِ بدل ءَ فنی وانگء ُ اھیل کاری ءِ سرءَ توجہ  ءُ آئی ٹی ءَ ہوار بازیں پڑآں ہنر مندی ءِ تربیت دئیگ ء ُ ورناہ آنی  راہشونی کنگ بوہگءَ اِنت۔ سروزیر ءَ گشتگ کہ اتھارٹی ءِ گشاد کنگءِ ھاترءَ جوڑ کتگیں کمیٹی  گامگیج  سوج بہ دنتء ُ عمل درآمد ءَ را الم بہ کنت "بی ٹیوٹا "ءِ گشاد کنگءِ ھاترءَ گیش دیری ءِ ایچ گنجائش نیست۔ آئیءَ پنت ء ُشون کتگ کہ  بی ٹیوٹاءِ دیم ءِ بورڈ دیوان ءَ اتھارٹی ءِ گشاد ءِ ھاترءَ ورک پلان پیش کنگ بہ بیت تنکہ فنی وانگء ُ زانگءِ اے حاسیں ادارگءَ را زوتاں چہ زوت گشاد کنگ بہ بیت ء ُ ورناہ آناں بازیں پڑآنی تہا ٹیکنیکل ٹریننگ ء ُ وانگء ُ زانگ دیئگءِ عملءَ را  گیش کنگ بہ بیت۔