کوئٹہ۔19دسمبر (اے پی پی): ادارکی مزن وزیر انوارالحق کاکڑ ءَ گوشتگ کہ راج ءِ درستاں چہ مستریں مڈی ءُ مراس بنی آدمی آسراستی انت بلدکاری مردم آنی ھاٹیگ ءَ را ڈنی ملک آنی تہ ءَ سک باز ضلورت انت، دوستیں ملک مرچی ھم پاکستان ءَ چہ لس مردمی ھاٹیگ ءِ درآمد ءَ را ترجی دینت، لس مردم ھاٹیگ ءَ را جدید ءُ ازمی ھیل کاری وھد ءِ ضلورت انت۔ اے ھیالانی درشانی آئی ءَ سئے شمبے ءِ روچ ءَ بلوچستان ءَ پرائم منسٹر یوتھ سکل ڈویلپمنٹ پروگرام ءِ مراگش ءَ گوں گشتانک دیان ءَ کت۔ مراگش ءَ گوں گشتانک دیان ءَ ادارکی مزن وزیر ءَ گوشت کہ کزبی ھیل کار ی ءِ ارزشت وھد ءِ گوما مٹ بوھوگ ءَ انت ءُ گیش بوھگ ءَ انت۔ کجام ھم راج ءِ درستاں چہ گیش گران بھائیں مڈی بنی آدمی آسراتی آں ۔ ازمکاری ءِ گیش بوھگ ءَ چہ اے ویلیو وایڈیڈ جوڑ بنت۔ میاں اوستمانی مارکیٹ ءُ معیشت آنی تہ ءَ ھمے رنگ ءَ لوٹ سہرا بوھگ ءَ انت نوکیں ٹیکنالوجی پیداک انت ، آرٹیفیشل انٹیلیجنس ءِ زمانگ انت ، اے توامیں پڑ ءَ جیڈھ است انت آ ایش انت کہ چتور وتی آسراتی آناں کارمرز کنگ جوڑ بوت کن انت۔
