مئے  مول   ءُ  مراد  ءُ  سیم  سر  پی ٹی وی  ءِ  سر ءَ دمگی  زبان  آناں  برابری  ءِ    کچ ءَ   سروکی   دیگ  ءَ را   دل  یکیمی  کنت،  ادارکی    بنجاھی  وزیر  اھوالکاری  مرتضٰی  سولنگی   ءِ پی  ٹی وی   بولان    ءِ  سر ءَ    ”ہزارگی زبان“  ءِ  پروگرام   ءِ بنگیجی  مراگش  ءَ گوں    گشتانک

کوئٹہ۔19دسمبر  (اے پی پی): بنجاھی وزیر  اھوالکاری ،  شنگ کاری    ءُ پارلیمانی کار  مرتضیٰ  سولنگی  ءَ پی ٹی وی  بولان  ءِ سر  ءَ   ”ہزارگی“ زبان  ءَ شنگ    کاری  ءِ  بنگیج   ءِ پد ءَ ہزارہ   کمیونٹی  ءِ مردم آناں  مبارک  بات   داتگ  ءُ گوشتگ کہ مئے  مول ءُ مراد   ءُ سیم سر  پی ٹی وی  ءِ سر ءَ دمگی  زبان  آنی  برابری  ءَ سروکی  ءَ را دل  یکیمی  جوڑ   کنگ   انت،  پی  ٹی وی  بولان    ءِ سر ءَ ہزارگی زبان ءِ شنگ کاری  ہزارہ   ٹک  ءِ   کوھنیں لوٹ    ءِ بوتگ   ایش  مرچی  ھمیشن انت    پیلو  بوھگ ءَ انت۔   پی  ٹی  وی    بولان  ءِ شنگ کاری  انوں   ایوک ءَ انٹینا ءِ وسلیگ  ءَ   دور ءُ گستائیں دمگ  آں تاں  چارگ  بوت   کناں۔  اے ھیالانی درشانی آئی   ءَ  سئے شمبے  ءِ روچ ءَ   پی ٹی وی  بولان   ءِ سر ءَ   ” ہزارگی   زبان”  ءِ پروگرام  ءِ   بنگیجی  مراگش   ءَ گوں  گشتانک دیان ءَکت ۔  مراگش ءَ  ادارکی  مزن وزیر انوارالحق  کاکڑ  ءَ   ھاسیں مہمان  ءِ بستار ءَ   بھر زوری  کت۔  ادارکی   بنجاھی وزیر اھوالکاری   مرتضیٰ  سولنگی ءَ گوشتگ کہ پی ٹی وی  بولان     پیسر ءَ چہ   بلوچی،  پشتو،   ءُ   براہوئی  زان  آنی   سر  ءَ مراگش    پیشدارگ  ءَ انت۔  وھدیکہ  مرچی ہزارہ   آنی  کوھنیں   لوٹ  ءِ  رد ءَ ہزارگی   زبان   ءَ  ھم   شنگ کاری  ءِ بنگیج   کنگ  بوھگ ءَ انت۔