کوئٹہ۔19دسمبر (اے پی پی): ادارکی مزن وزیر انواراالحق کاکڑ ءَگوشتگ کہ یک برجائیں جمہوریت ملک ءَ سیاسی برجائی کار ائیت، پاکستان ءِ آیوکیں باندات روشنا اِنت ، ملک ءَ معاشی دیمروئی ءِ بے کساس موہ است انت، ملکی آباتی ءِ 65 درسد ورنا آنی ایگ انت، ورنا مئے گران بھائیں سرمایہ انت ایش ملکی دیمروئی ءِ کشک ءَ گیشین اَنت، آیوکیں 10 سال ءَ چین ءُپڑے ملک آںی تہءَ 36 ٹریلین ڈالر ءِ تجارت اوست بوھگ ءَانت۔ بنی آدمی چاگرد ءِ جوڑشت زانت ءُ زانش ءِ اسپر ءَ چہ بوت کنت انت۔ پاکستان ءِ کانود کجام ھم ملیشیا ءِ وجود ءِ موہ ءَ نہ دنت، ریاست کانود ءِ رد ءَ چل ائیت انت۔ اے ھیالانی درشانی آئی ءَ سئے شمبے ءَ بلوچستان ءِ یونیورسٹی آنی تہ ءَ نودربر آں گوں تران کنان ءَ کت۔ ادارکی مزن وزیر ءَ گوشت کہ جاہ پہ جاہ نودبر آنی گوما ھیال ریچی کناں، بلے بلوچستان ءِ نودربر آں گوں گند ءُنند کنگ ءَ چہ باز وش ءُشاتی بوتگ، بلوچستان ءِنودربر آناں دومی صوبگ آنی تہ ءَ زانشتی تر ءُ تاب کتگ اے ھوالگ ءَ ٹیچر، سول سوسائٹی ءُنودربر آں گوں گیش شور ءُ مشور ءِ ضلورت انت، پدا ھم اے تک ءَ گیش گہتری بوھگ ءَ انت، اے ھوالگ ءَ ایچ ایسی ءَ گوں رابطہ کناں۔ یک جستے ءِپسو ءَ آئیءَگوشت کہ پاکستان ءِمعشی دیمروئی ءُ سیاسی برجائی ءِ ٹوھیں موہ است انت، پاکستان 24 کروڑ آباتی والا ایں ملک انت ایش دگنیا ءِ ٹوھیں آباتی آنی تہ ءَیک ایت اے کساس 65 درسد ورنا آنیگ انت۔ ایش ازمکار ءُسسا کار انت ، آئیءَ گوشت کہ ورنا مئے گران بھائیں سرمایہ انت ایش ملکی دیمروئی ءِ کشک ءَ را گیشین انت۔
