کوئٹہ۔19دسمبر (اے پی پی): ادارکی مزن وزیر انوارالحق کاکڑ ءَ یک رند ءِپد ءَ دل یکیمی دات کہ لس گچین کاری ساپءُ سلہ بہ بنت، گچین کاری ماحول ءَ بھتام ھمروچگیں گپ ات، سیاسی گل آنی گپ ءُ گال آنی پیسلہ گچین کاری ءَ الس وتی ووٹ آنی وسیلگ ءَ کناں، راج دوستیں گل وتی کچ ءُ کساس ءَ چہ تران کناں، بلوچستان ءَ زر گرگ ءُ بھرتی کنگ بوتگ اَنت ایشاناں رد کنگ بوتگ، بلوچستان ءِ الس آناں ” وکٹم کارڈ” ءَ چہ در کپگ ءُ دیم ءُ جنزگ لوٹ ائیت ءُ وتی زھگ آناں ازمت ءُ بلدکاری ءِ نیمگ ءَ دلگوش کنگ لوٹ ائیت، گورننس ءَ را گہتر جوڑ کنگ ءِ واستہ بلوچستان ءَ را گہتریں اپسرگ پجاری کتگ آں۔ آ سئے شمبے ءَ ادا ھال رسانکی در ءِ نماھندگ آں گوں تران کنان ءَ کت۔ اے موہ ءَ ادارکی سر وزیر میر علی مردان خان ڈومکی ءُ بنجاھی ادارکی وزیر اھوالکاری ءُ شنگ کاری مرتضیٰ سولنگی ھم ساڑی ات۔ بلوچستان ءَ گچین کاری ءِ ساھت ءَ سیکورٹی ءِ جاور ھال آنی ھوالگ ءَ یک جستے ءِ پسو ءَ ادارکی مزن وزیر ءَ امیت سہر ا کت کہ سیکورٹی ءِ جاور ھال شر بنت، الیکشن کمیشن لس گچین کاری بکنائین ائیت۔ سیاسی گل تران مدام کن اَنت، الس پیسلہ بکن انت کہ سیاسی گل آنی گپ ءُ گال چینکاس راست انت۔ الیکشن ءَ جتا جتائیں گپ ءُ ھال شنگ بنت ایش دروگ ءُ راست بوت کناں۔ یک جستے ءِ پسو ءَ ادارکی مزن وزیر ءَ گوشت کہ پنجرہ پل فروری ءِ گڈ ءَ یا مارچ ءِ بندات ءَ آپریشنل بنت۔
