اسلام آباد۔19دسمبر (اے پی پی): راجی اسمبلی ءِ اسپیکر راجہ پرویز اشرف ءَ چین ءِ صوبہ گانسو ء ُ چنگھائی ءَ بوتگیں زمین چنڈءِ نتیجگءَ بوتگیں جانی نقصانانی سرءَ دلپدردی ءِ درشانی کتگ۔ سئے شمبے ءِ روچءَ وتی اپسوزی کلوہ ءِ تہا آئی ءَ زمین چنڈ ءِ نتیجگءَ جانی نقصان ءِ سرءَ گم ء ُ رنج ءِ درشانی کتگ۔آئی ءَ گشتگ کہ چین ء ُ پاکستان یکے دومی ءِ گرانیں ساہتانی ہمراہ اَنت، پاکستان وت ہم زمین چنڈءِ بیمناکیاں چہ گوستگ، ہمے ھاترءَ پاکستانی اُلس چینی اُلسءِ زمین چنڈءَ چہ بوتگیں جیڑہ ء ُ جنجالاں چہ سرپد اَنت۔
