اسلام آباد۔18دسمبر (اے پی پی): سینیٹءِ چیئرمین محمد صادق سنجرانی ءَ گشتگ کہ پاکستان ء ُ گتر ءِ نیامءَ دوستی ء ُ سنگتی ء ِ محکمیں سیادی ءِ بنیات یک وڑیں مذہبی، دودءُ ربیدگی ء ُ اُلسی نزیکی اِنت۔ اے ھیالانی درشانی آئی ءَ گتر ءِ راجی روچءِ موہ ءَ گتر ءِ حکومت ء ُ اُلسءِ نامءَ وتی کلوہ ءِ تہا دلی مراد بات پیش کنان ءَ کتگ۔ دوشمبے ءِ روچءَ سینیٹ سیکرٹریٹءَ چہ شنگ بوتگیں بیان ءِ ردءَ سینیٹءِ چیئرمین ءَ گتر ءِ امیر شیخ تمیم بن حماد الثانی ءُ مزن وزیر شیخ محمد بن عبدالرحمن الثانیءِ دور اندیشی سروکیءَ را ساڑاتگ ء ُ گشتگ کہ دیمروئی ءُ امن ء ُ ایمنی ءِ ھاترءَ کتگیں گامگیج میاں اوستمانی تک ءَ ساڑاتگ بوتگ اَنت۔ گتر ءِ حکومت ءَ خطہ ءِ دیمروئی ء ُ امنء ُ ایمنی ءِ ھاترءَ جوانیں کرد پیش کتگ۔ سینیٹءِ چیئرمین ءَ گشتگ کہ پاکستان ء ُ گتر ءِ نیامءَ سنگتی ءِ محکمیں سیادی ءِ بنیات یک وڑیں مذہبی، دودءُ ربیدگی ءُ اُلسی نزیکی اِنت۔ آئی ءَ پاکستانی اُلسءِ نیمگءَ چہ گتری امیر ء ُ آئیءِ حکومت ءِ ھاترءَ نیکیں وائشتانی درشانی کتگ۔ آئی ءَ گشتگ کہ گترءَ امت مسلمہ ءِ راستیں توار جوڑ بوتگ ء ُ بازیں پڑآں میاں اوستمانی تکءَ یک پجارے حاصل کتگ۔ سینیٹءِ چیئرمین ءَ لیب ء ُگوازی، زرکاریءُ بیپاری ءِ تہا گترءِ سوبمندی ساڑاتگ۔ سینیٹءِ چیئرمین ءَ گشتگ کہ پاکستان ءُ گتر ءِ نیام ءَ پائیداریں دوستی ءَ را گیش ترندء ُ محکم کنگءِ وداریگ اِنت کہ دوئیں ملک آنی ھاترءَ گیش وشھالی بانداتءِ سوب جوڑ بوت کنت۔
