اسلام آباد۔18دسمبر (اے پی پی): حال ء ُ اھیوال کاری ءُ شنگکاری ءِ ادارکی بنجاہی وزیر مرتضیٰ سولنگی ءَ گشتگ کہ ڈنی ملکی بے کانودی کاگدء ویزہ ءَ تاں دیراں پاکستانءَ نیشت نہ کن اَنت، ڈنی ملکی مردماناں آیانی ملک ءَ واتر دیم دیئگءِ ہوالگءَ پاکستان ءَ را چہ ڈنی ملک آنی نیمگءَ ایر جنگ بوتگ، ما تنا ہما درملکی آنی واتر رؤگ ءِ گشتگ کہ آیانی کِرءَ کانودی کاگدء ُ ویزہ نابوتگ۔ دوشمبےءِ روچءَ ”ہم نیوز“ ءِ مراگش ءَ گوں تران کتگءُ ادارکی بنجاہی وزیر ءَ گشتگ کہ پاکستان ءَ کساس 20 ہزار انچیں اوگان مردم اَست اَنت کہ آیاں امریکی فوج ءِ گوما کار کتگ، اوگان حکومت تاں انگت ہمے 20 ہزار اوگاناناں وتی تہا جاگہ دات نہ کتگ۔ آئی ءَ گشتگ کہ پاکستان ءَ لکھانی کساس ءَ اوگان شہری کانودی ردءَ اَست اَنت کہ آیاناں جانء ُ سلامتی، وانگء ُ زانگ ءُ بیپار ءَ ہوار درائیں آسراتی دیئگ بوہگءَ اَنت۔ آئی ءَ گشتگ کہ ہرچ ہما درملکی کہ آیانی کِرءَ کانودی کاگد ء ُ ویزہ نیست، ما آیاناں آیانی ملک ءَ واتر بوہگءِ گشتگ، درملکی اوگان شہری بہ بنت یا دگہ، آ ویزہ ءِ ابید تاں دیراں اِدءَ نِشت نہ کن اَنت۔
