اسلام آباد۔18دسمبر (اے پی پی): راجی اسمبلی ءِ اسپیکر راجہ پروزیر اشرف ءَ گشتگ کہ کشتءُ کشاری ءَ مشکل بوہگءِ سوب ءَ معاشی دیمروئی نیزور بوتگ، وراک ءِ رکینگ ء ُ اقتصادی دیمروئی ءِ ھاترءَ مارا کسان دوستیں پالیسی دیما آرگ لوٹاں۔ دوشمبے ءِ روچءَ دھکانانی راجی روچءِ موہ ءَ وتی کلوہ ءِ تہا آئی ءَ گشتگ کہ کشتء ُ کشاری ءِ پڑ ملک ءِ دیمروئی ءِ تہا باز ارزشت داریت۔ کشتءُ کشاری ءِ پڑءَ را گہتر کنگءِ ھاترءَ مارا دھکان دوستیں پالیسی دیما آرگ لوٹاں۔ راجی اسمبلی ءِ اسپیکرءَ گشتگ کہ کشتء ُ کشاری ءِ تہا مشکل بوہگءِ سوب ءَ چہ معاشی دیمروئی سست بوتگ۔ کشتء ُ کشاری پیداوارءِ تہا گیشی ءَ چہ ملکی معیشتءِ جاورھال گہتر بوت کن اَنت۔ زرعی ملک ءَ ابید ما گندم، شکر ء ُ وردن ء ُ وراک ءِ ایندگہ سامان بہازورگءَ مجبور اَنت۔ دھکاناناں جدید آسراتی دیئگءَ ملک ءَ را دیمروئی ءِ کشک ءَ رہادگ کُت کناں۔
