اسلام آباد۔18دسمبر (اے پی پی): راجی اسمبلی ءِ اسپیکر راجہ پرویز اشرف ءَ گشتگ کہ ملک ءِ دیمپانی کنگ ءَ لانس نائیک محمد محفوظ شہید (نشان حیدر) ءَ ہوار درائیں شہیدآنی بے مٹیں قربانی کدی ہم شموشگ نابنت، شہیدآنی قربانی آناں راج دپترءِ تہا دائم یات کنگ بیت۔ دوشمبےءِ روچءَ لانس نائیک محمد محفوظ شہید (نشان حیدر)ءِ 52 می شہید بوہگءِ روچءَ دادءُ سلام پیش کتگء ُ آئی ءَ گشتگ کہ لانس نائیک محمد محفوظ شہید (نشان حیدر) ءَ 1971 ءِ پاک۔ بھارت جنگءِ تہا مزن دلی، بہادری ءِ بے مٹیں کرد پیش کتگء ُ راج دپترءِ تہا نام سُہرا کتگ۔ آئی ءَ گشتگ کہ لانس نائیک محمد محفوظ شہید ءَ بہادری پیش داشتگ کہ راج دپترءِتہا آئی ءِ مٹ نیست۔ لانس نائیک محمد محفوظ شہید ءِ قربانی دائم ءَ یات کنگ بنت۔ ملک ءِ دیمپانی کنگءَ نائیک محمد محفوظ ءَ ہوار درائیں شہیدآنی بے مٹیں قربانی کدی ہم شموشگ نابنت۔ آئیءَ دعا کتگ کہ اللہ تعالیٰ لانس نائیک محمد محفوظ شہیدءَ ہوار سرجمیں شہیدآنی درجگاں مزن بہ کنت۔
