کوئٹہ۔ 18 دسمبر (اے پی پی): ادارکی سر وزیر بلوچستان میر علی مردان خان ڈومکی ءَ گوشتگ کہ صوبگ آںی تہءَ بنجاھی ھرچ ءُ درچ ءَ را جوان ءُ الکاپ جوڑ کنگ ءِ واستہ مالی کار آنی بابت ءَ راجی تک ءَ کتگیں پیسلہ آنی رد ءَ ھما کچ ءَ کہ بوت کنت کمک کناں بلے صوبائی کار آنی ھوالگ ءَ مالی جیڈھ آنی سر ءَ تپاکی ءَ گوں پیسلہ المی انت۔ اے ھیالانی درشانی آئی ءَ دو شمبے ءَ ادارکی بنجاھی وزیر ھزانگ شمشاد اختر ءِ سروکی ءَ صوبائی کار آنی بابت ءَ بنجاھی ھرچ ءُ درچ آناں الکاپ جوڑ کنگ ءِ واستہ کار آنی سر ءَ چار ءُ بچاری دیوان ءَ گوں ویڈیو لنک ءِ وسیلگ ءَ گشتانک دیان ءَ کت۔ ادارکی بنجاھی وزیر ءِ سروکی ءَ اسلام آباد ءَ برجم بوھوکیں دیوان ءَ ادرکی سر وزیر بلوچستان میر علی مردان خان ڈومکی چیف سیکرٹری بلوچستان شکیل قادر خان پرنسپل سیکرٹری ٹو سی ایم راشد رزاق، ایڈیشنل چیف سیکرٹری دیمروئی ءُ منصوبگ بندی عبدالصبور کاکڑ، سیکرٹری منصوبگ بندی لعل جان جعفر ءَ ویڈیو لنک ءِ وسیلگ ءَ بھر زوری کت۔
