اسلام آباد۔17دسمبر (اے پی پی): ھیل کاری ورکشاپ ءِ گشتانکار آں پاکستانی میڈیا ءِ سر ءَ زور پر داتگ کہ آ چین پاکستان اقتصادی راہداری سی پیک ءِ بابت ءَ تچک ءُ راستیں رپوٹنگ آنی بھر جوڑ بہ بنت ءُ گیم چینجر منصوبگ ءِ ھلاپ ءَ پروپیگنڈا آنی گوما مقابلہ بکن اَبنت، اھوالکار الس آنی واستہ مالومداری آنی وسیلگ اَنت ءُ ایشانی ھک ءُ راستیں رپوٹنگ پاکستان ءِ الس آں تاں سی پیک ءِ بابت ءَ سرٹیفائیائیڈ مالومداری پجارینت کناں۔
اے ھیالانی درشانی آئی ءَ گشتانکار سنٹر فار ڈیموکریسی اینڈ کلائمیٹ سٹڈیز سی ڈی سی ایس ءِ چیر دستی ءَ بلوچستان ءُ خیبر پختونخوا ءِ اھوالکار آنی واستہ برجم داشتگیں سئے روچی ھیل کاری ورکشاپ ءِ ساھت ءَ کت۔
پاکستان ءَ چین ءِ سفارتخانہ ءِ پولیٹکل اینڈ میڈیا سیکشن ءِ قونصلر باژونگ ءَ گوشت کہ پاکستانی میڈیا دوئیں ملک آنی واستہ سوبمند سی پیک ءَ دیمروئی دیگ ءُ چین پاکستان دو نیمگی یکوئی جتا جتائیں شوبگ آنی تہ ءَ کمک ءِ پازیٹیو امیج جوڑ کنگ ءَ ارزشتی ایں کرد ءِ پیلو کنگ ءَ انت پدا ھم سی پیک ءِ ھلاپ ءَ دروگیں ءُ نیگیٹو پروپیگنڈا انوگ ءَ تاں میڈیا ءِ لستیں بھر آنی تہ ءَ ساڑی انت ایشانی اھوالکار آناں مقابلہ کنگ لوٹ ائیت۔
آئی ءَ گوشت کہ چینی سفارتخانہ سی پیک ءِ بابت ءَ جست آنی پسو دیگ ءِ واستہ یا چینی سفارت خانہ ءِ نیمگ ءَ بندات کتگیں کجام ھم منصوبگ ءِ ھوالگ ءَ مالومداری ءِ واستہ مدام تیار انت۔ آئی ءَ اھوالکار آنی سر ءَ زور پر دات کہ آ سی پیک ءِ بابت ءَ راستی آنی رد ءَ رپوٹنگ بکن انت ءُ میڈیا ءِ لستیں بھر آنی تہ ءَ بدنیتی آنی رد ءَ دروگیں مالومداری ءُ ھا ل آنی شنگ کنگ ءِ ھلاپ ءَ وتی کرد ءَ پیلو بکن اَنت۔
پاکستانی دوستی آں گوں جھلانکیں مہر ءُ واھگ آنی در شا ن ءَ کنان ءَ ژونگ ءَ گوشت کہ ملک ءَ شش سال ءَچہ گیش ازمت پیلو کنگ ءَ آں۔ چین پاکستان یکوئی آناں مھکمیں بنیات ءَ چین پاکستان اقتصادی راہداری سی پیک ءِ درور رسیت۔ آئی ءَ پاکستانی حکومت ءِ گوما جاڑیگیں دیمروئی آنی ھوالگ ءَ دل یکیمی ءِ درشان کت ءُ میڈیا ءُ شہری آنی دلبڈی کت کہ آ چین پاکستان یکوئی ءِ یک شلیں کامیاتی ءِ واستہ لائک ستائیں سا ءُ ساچ ءَ مان بکن اَنت۔
آئی ءَ چین ءَ پاکستانی وزیٹرز آنی وش اتک ءِ بابت ءَ چمشانک دات ءُ کمک آناں گیش جھلانک ءُ مھکم جوڑ کنگ ءِ واستہ یکجائی کوشست ءُ اے سیادی ءَ را باھند آنی تہ ءَٹرانسفر کنگ ءِ زور پر دات۔ ژونگ ءَ بزنس ٹو بزنس کمک آنی تہ ءَ گیشی ءِ ھوالگ ءَ دلبڈی دیان ءَ سرکاری ءُ پرائیویٹ تک ءَ دوئیں تک ءَ کمک آناں گیش کنگ ءِ زور پر دات۔ آئی ءَ یکجائی کار ءُ ورنا آناں چین ءِ وانگ ءُ زانگ ءِ در جنگ ءُ وتی وطن ءِ دیمروئی ءَ وتی بھر مان کنگ ءِ ارزشت ءِ بابت ءَ زور پر دات۔
بنیاتی کوکا ءُ ھاٹیگ ءِ ھوالگ ءَ دلگوش آناں سہرا کنان ءَآئی ءَ ھاٹیگ ءِ منصوبگ آںی وسلیگ ءَ پاکستان ءِ ھاٹیگ ءِ شوبگ ءَ را وت مستر جوڑ کنگ ءُ پد ءَ دراج بریں صنعتی کمک آنی نیمگ ءَ جنزگ ءِ ارزشت ءِ سر ءَ زور پر دات۔ آئی ءَ گوشت کہ چین ھاٹیگ ءِ جیڈھ آنی گر ءُ دار ءِواستہ پاکستان ءِ وساتہ کمک کار انت، ایشی ءَ چہ صنعتی پیداوار آنی تہ ء گیشی ءُ کمک ءِ کشک لھم بیت۔
آئی ءَ گوشت کہ چین دگنیا ءَ را یک ٹوھیں ھاندان ءِ رد ء چارگ لوٹ ائیت ، میاں اوستمانی کمک ءِ شاہزانتی ءِ تران ءَ کنان ءَ بیلٹ اینڈ روڈ انیشیٹو ءَ را یکجائی آیوکیں باندات ءِ میاں اوستمانی براتی ءِ جوڑیشت ءِ والگ ءَ یک مھکمیں کوشست ءِ رد ءَ پیش کنگ بوتگ۔ کویڈ-19 ءِ رند پد وڑیں جیڈھ آں چہ ابید چین صدر شی جن پنگ ءُ کمیونسٹ پارٹی آف چائنا ءِ سروکی ءَ وتی دیمروئی ءِ دل یکیمی انت۔
چین ءَ پاکستان ءِ پیسریگیں سفیر نغمانہ ہاشم ءَ اے موہ ءَ تران کنان ءَ گوشتگ کہ میڈیا ءَ را سی پیک ءِ در ابیدی رپوٹنگ بکن انت۔ پاکستان ءِ واستہ چی پیک ءِ ارزشت ءَ را سہرا کنا ن ءَ گوشتگ کہ سی پیک ءِ چیر دستی ءَ دو نیمگی کمک آں چہ پاکستان ءِ ھاٹیگ ءُ بنیاتی کوکا ءِ دیمروئی ءَ ارزشتی ایں کرد ءِ پیلو کتگ وھدیکہ دومی بھر ءَ پاکستان ءَ گریبی ءِ ھلاسی، چاگردی اقتصادی دیمروئی، کشت ءُکشار ءُ صنعتی دیمروئی ءِ نیمگ ءَ دلگوشی دیگ بوتگ۔
سرگودھا یونیورسٹی ءِ پیسریگیں وائس چانسلر ڈاکٹر اشتیاق احمد ءَ گوشتگ کہ سی پیک ءِ بابت ءَ لس مردم آنی رایہ ءُ لیکہ آنی ھوالگ ءَ میڈیا ءِ کرد سہرا انت۔ آئی َ سی پیک ءِ دیمروئی ءَ پاکستان ءِ میڈیا ءِ کرد ءُ ایشی ءِ کمک آناں ساڑات۔
آئی ءَ اے گپ گوشت کہ مزن وانگ ءُزانگی ادارگ چین پاکستان اقتصادی راہداری سی پیک ءِ گواچنی برورد در جنگ ءَ ارزشتی ایں کرد ءِ پیلو کت کنت ءُدوئیں ملک آنی زبانی ءُ دود ءُربیدگی شوبگ آنی تہ ءَ پرک ءَرا ھلاس کت کناں۔ سئے روچی ھیل کاری ورکشاپ ءَ نامداریں اھوالکار ءُ اینکرز/ پولکار جاوید اقبال ، رشید صافی، عون ساہی، سائرس قریشی ءُ محمد عمران ءَ ھم بھر زوری کت۔
