اسلام آباد۔ 15 دسمبر (اے پی پی) نگران وزیراعظم انوارالحق کاکڑ ٹانک، ڈیرہ اسماعیل خان اٹی پولیس لائنز و ضلع خیبر اٹی پولیس و فرنٹیئر کور انا اسیجا چیک پوسٹ آتیا دہشت گرد آتا جلہو نا ترندی اٹ مذمت ءِ کرینے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم دہشت گرد آتا ٹانک پولیس لائنز اٹی شرپسندی نا بھلا ڈٹ آتے بے سہب کننگ آ سیکورٹی کارندہ غاتے خراجِ تحسین پیش کرے۔ نگران وزیراعظم پارے کہ دہشت گرد آتا عفریت نا پاکستان آن پورو چٹفنگ اسکان دا جنگ ءِ برجاتخنہ۔ کنتون اوار مچ آ قوم، ملک انا رکھ انا خاطر تینا جون تے ندر کروک آسیکورٹی فورس آتا دلیر کارندہ غاتے خراج عقیدت پیش کیک۔ نگران وزیراعظم پارے کہ پاکستان نا دلیر الس دہشت گرد آتا دا جنگ اٹ تینا سیکورٹی فورس آتون ہم کوپہ ءُ۔ وزیراعظم جلہوآتیٹی شہید مروک آ سیکورٹی کارندہ غاتیکن بخشش و اہل خانہ کن صبروجمیل نا دعاکرے۔
