اسلام آباد۔ 15 دسمبر (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی پارینے کہ ڈسٹرکٹ ریٹرننگ آفیسر آتاتعیناتی نا اختیار الیکشن کمیشن تون ءِ، الیکشن کمیشن آئین وکانود ءِ مون آتخسا تینا لائحہ عمل نا پڑو ءِ کیک، نن الیکشن کمیشن آن بازپُرس کننگ کینہ نئے چاروکی، درحقیقت الیکشن کمیشن نگران حکومت نا چاروکی ءِ کیک۔ جمعہ نادے آ الیکشن کمیشن نا پیشن میڈیا تون گپ وتران کرسا نگران بنجائی وزیرحوالکاری پارےکہ آئین نا آرٹیکل (3)218نا رداٹ ملک اٹی گچین کاری کرفنگ نااسٹ انگا زموار آئینی ادارہ الیکشن کمیشن آف پاکستان ءِ۔ اوپارےکہ اگہ کس اسے الیکشن کمیشن آن غاو ارے تو او الیکشن کمیشن تون رابطہ کننگ کیک۔ اسہ سوج اسے نا ورندی ٹی اوپارے کہ ڈسٹرکٹ ریٹرننگ آفیسر آتا تعیناتی نا اختیار حکومت تون اف بلکن الیکشن کمیشن تون ءِ۔ ریٹرننگ آفیسر آتا تعیناتی نا بابت الیکشن کمیشن ہی پاننگ کیک، حکومت تون داوڑنا تعیناتی نا ہچ ءُ اختیار اس اف۔ اسہ سوج اسے نا ورندی ٹی اوپارےکہ پاکستان نا تہہ ٹی آئینی حکومت ءِ، نن آئینی عمل نا پیدوار اُن۔ آئین نا آرٹیکل 19 و 19اےے ناا رداٹ ہر اسٹ ءِ آجوئی درشانی سلاہ نا حق دوئی ءِ، میڈیا آجو ءِ، داڑآ ہچ وڑنا پابندی اف۔ اسہ پین سوج اسے نا ورندی ٹی اوپارے کہ غٹ رجسٹرڈ سیاسی جماعت آتے اسہ وڑ وارخواہی فراوان کننگ اُن، سیاسی جماعت آتا راہشون تے تنقید نا حق دوئی ءِ۔
