اسلام آباد۔ 15 دسمبر(اے پی پی) ایل این جی نا درآمد آتیٹی برجامالی سال انا اولیکو 5 تُو اٹی سالانہ بنداو تیا اسہ درسد نا کمتی ریکارڈ کننگانے۔ اوسی اے سی و اوگرانا حساب وکتاب نا رداٹ برجامالی سال انا اولیکو 5 تُو اٹی 3369000ٹن ایل این جی نا درآمد ریکارڈ کننگا ہرا تدوک آ مالی سال انا ہند امد انا مقابلہ ٹی اسہ درسد کم ءُ۔ تدوک آ مالی سال انا ہندا مد اٹی 3403000ٹن ایل این جی نا درآمد ریکارڈ کننگاسس۔ نومبر اٹی ایل این جی نا درآمد آتا کچ 553000ٹن ریکارڈ کننگا ہرا تدوک آ سال نومبر نا مقابلہ ٹی 31 درسد کم ءُ۔ تدوک آ سال نومبر اٹی 798000ٹن ایل این جی نا درآمد ریکارڈ کننگاسس۔ اکتوبر نا مقابلہ ٹی نومبر اٹی ایل این جی نا درآمد آتیٹی ماہانہ بنداو تیا 17 درسد نا کمتی ریکارڈ کننگا۔ اکتوبر اٹی 664000 ٹن ایل این جی نا درآمد ریکارڈ کننگا ہرا نومبر اٹی کم مرسا 553000ٹن مس۔ یات سلے کہ برجامالی سال انا اولیکو 5 تو اٹی پیٹرولیم مصنوعات نا جم برآمد آتا کچ 9787000ٹن ریکارڈ کننگانے۔
