کوئٹہ۔15 دسمبر(اے پی پی)سدرن بلوچستان اسپورٹس یوتھ اینڈ کلچرل فیسٹیول نا چرجوئی ٹی کرکٹ نا اولیکو سیمی حب چوکی بمقابلہ تربت مس حب چوکی ٹاس ءِ کٹسا اول تربت ءِ بیٹنگ کننگ نا سلہ خلک تربت مقررہ 20 اوور اٹی 6 وکٹ آتیا 174 رنز جوڑ کرے ہرا کہ حب چوکی نا مچ آ ٹیم 105 رن کرسا آؤٹ مس، ہنداسوب آن اولیکو سیمی فائنل تربت 70 رنز اٹ کٹسا فائنل کن کوالیفائی کرے۔ فیسٹیول نا چرجوئی ٹی اینو ارٹ میکو سیمی فائنل میچ ساروان ٹائیگرز بمقابلہ گوادر سینیٹر اسحاق بلوچ اسٹیڈیم اٹی مس ساراوان ٹائیگرز ٹاس ءِ کٹسا اول بیٹنگ کننگ نا فیصلہ کرے و 19.2 اووراٹی 118 رنز جوڑ کرسا آل آؤٹ مس ہندا وڑ ساراوان ٹائیگرز گوادر ءِ 119 رنز انا ہدف تس وخت اس کہ گوادر ءِ آخیریکو اووراٹی 6 بال آ 5 رنز درکار ئس ہندا وڑ دا میچ سنسنی خیز مقابلہ غان پد گوادر 19.3 بال آ ہدف ءِ پورو کرسا سیمی فائنل میچ ءِ 5 وکٹ آتے اٹ کٹسا فائنل کن کوالیفائی کرے ساراوان ٹائیگرز نا ڈاکٹر سلیم رضانا 50 رنز ہم میچ کٹفنگ کتو، گوادر نا یوراج 5 وکٹ و 20 رنز جوڑ کرسا میچ انا گچین گوازی گر گوندنگا دا میچ انا مہمان خاص سیکرٹری اسپورٹس جاوید انور شاہوانی ئس داڑتون اوار فوکن پرسن یوتھ افیئر غفور بلوچ کرکٹ کوچ جہانزیب سارنگزئی پاکستان پیپلزپارٹی مستونگ نا جنرل سیکرٹری میر لونگ خان سارنگزءی و سینئر صحافی فیصل باقی ئسک ساڑی ئسر۔
