اسلام آباد۔ 14 دسمبر (اے پی پی) نگران وزیراعظم انوارالحق کاکڑ اینو(پنچ شنبے نادے آ) آزاد کشمیر نا اِرادے ئی دورہ غا مظفرآباد آ سرمریک۔ وزیراعظم آفس نا میڈیا ونگ آن جاری بیان نا رداٹ وزیراعظم نا دا دورہ جموں وکشمیر نا حیثیت نا بابت بھارت نا اسہ کنڈی و غیرکانودی گام انا بھارتی سپریم کورٹ نا کنڈآن پک کننگ نارداٹ جموں وکشمیر نا الس تون یکجہتی نا درشانی ءِ۔ وزیراعظم اینو آزاد کشمیر کانود ساز اسمبلی نا دورہ ءِ کیک ہراڑے اودے گارڈ آف آنرپیش کننگک۔ وزیراعظم کانود سازا سمبلی آن تران کیک۔ وزیراعظم یات گار شہداء نا دورہ ءِ کیک و پھل آتا چادراس شاغک۔ وزیراعظم آزاد کشمیر نا کابینہ نا دیوان نا کماشی ءِ ہم کیک۔
