مظفرآباد۔ 14 دسمبر (اے پی پی) نگران وزیراعظم انوارالحق کاکڑ اِرادے ئی دورہ غا مظفرآباد آ سرمس۔ وزیراعظم نا مظفرآباد آ بننگ آ آزاد کشمیر نا وزیراعظم چوہدری انوارالحق ہیلی پیڈآ اودے بخیرکرے۔ نگران وزیراعظم یات گار شہداآ ہنا ہراڑے او جموں وکشمیر نا آجوئی نا تحریک اٹ جون تے ندر کروک آ شہید آتے خراج عقیدت پیش کرے۔ وزیراعظم یات گار شہداآحاضری تس، پھل آتا چادراس شاغا و دعاپاتیاکرے۔ وزیراعظم یات گار شہداآ جموں وکشمیر نا آجوئی کن قربانی تروک آ راہشون تا عکس اتے ہرا۔ اوکان پد وزیراعظم کانود ساز اسمبلی آ سرمس ہراڑے اودے آزاد کشمیر پولیس نا چاق و چوبند دستہ نا کنڈآن گارڈآف آنر پیش کننگا۔ وزیراعظم نا دا دورہ جموں و کشمیر نا حیثیت نا بابت بھارت نا اسہ کنڈی و غیرکانودی گام انا بھارتی سپریم کورٹ نا کنڈآن پک کننگ نا رداٹ جموں وکشمیر نا الس تون یکجہتی نا درشانی ءِ۔
