اسلام آباد۔ 14 دسمبر (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ کنگ حماد یونیورسٹی آف نرسنگ اسہ سٹیٹ آرٹ آف یونیورسٹی ءِ ، نرسنگ جان جوڑی نا بشخ اٹی تمبہ نا حیثیت تخک۔ داخیال آتا درشانی ءِ او پنچ شنبے نادے آ زیر تعمیر کنگ حماد یونیورسٹی آف نرسنگ اینڈ ایسوسی ایٹس نا دورہ نا وخت آ کرے۔ داوخت آ پروجیکٹ منیجر نگران وزیرجان جوڑی ءِ تعمیراتی کاریم نا بارواٹی حوال تس۔ ڈاکٹر ندیم جان ءِ پاننگاکہ دا ڈٹ ءِ 2024نا ایسر اٹ پورو مروئی ءِ۔ بنجائی وزیر جان جوڑی ڈاکٹر ندیم جان تعمیراتی کاریم نا جاچ ءِ ہلک و است جمی نا درشانی ءِ کرے و پارت کرے کہ اِرا تُو انا تہہ ٹی یونیورسٹی نا ایلو ماندہ نا پورو کننگے۔ ڈاکٹر ندیم جان پارے کہ کنگ حماد یونیورسٹی آف نرسنگ اسہ اسٹیٹ آرٹ آف یونیورسٹی ءِ۔ نرسنگ یونیورسٹی ٹی ہرسال پنچ سونرسزڈپلومہ دوئی کیک۔ اوپارے کہ اسٹیٹ آف نرسنگ یونیورسٹی ٹی تعلیم حاصل کننگ کن 2000 نرس آتا گنجائشت ساڑی ءِ۔ بحرین نا کنڈآن حکومت پاکستان کن ٹیکی اسے۔ نرسنگ بشخ پاکستان اٹ بے کچ اہمیت تخک۔ پاکستان ءِ نرس آتا کمتی مون تروک ءِ۔ نرس آتا کمتی ءِ پورو کننگ کن اسہ مربوط حکمت عملی اس جوڑ کرینے۔ نرسنگ نا بشخ اٹی گچینی کن بھلو کچ اسے آ اصلاحات نا چرجوئی برجاءِ۔ اوپارے کہ نرسنگ جان جوڑی نا بشخ اٹی تمبہ نا حیثیت تخک۔
