اسلام آباد۔ 14 دسمبر (اے پی پی) نگران بنجائی وزیر ڈٹ بندی شونداری و خصوصی گام گیج محمد سمیع سعید پارینے کہ پاکستان آبادی و شونداری نا تھائی لینڈ کانفرنس نا ایجنڈاغان پورو وڑاٹ امنا و اوڑآعملدرآمد کن سنبرینگوک ءِ، پائیڈ و اقوام متحدہ نا بہبود آبادی نا ادارہ یواین ایف پی اے نا اسیجائی رپورٹ آتا وخت آ و اہمیت تخرہ، ہڑتوم آادارہ غاتا جاست وپاستی کاریم آن پورو وڑاٹ فائدہ ہرفنگ نا کوشست کینہ۔ اوداہیت ءِ پنچ شنبے نادے آ داڑے اقوام متحدہ نا ادارہ بہبود آبادی(یواین ایف پی اے ) و پاکستان انسٹیٹیوٹ آف ڈویلپمنٹ اکنامکس(پائیڈ) نا اسیجائی مرتب کروک اِرا رپورٹ آتا جاری کننگ نا وخت آ اڈ ہلوک دود آن تران کرسا پارے۔ بنجائی وزیر پارے کہ نن پاپولیشن کانفرنس نا ایجنڈاٹی سنبرینگوک اُن۔ کانفرنس اٹی پاکستانی ڈل انا بشخ ہلنگ آن بہبود آبادی نا ایجنڈاکن پاکستان نا عزم انا عکاسی مننگ ءِ۔ بنجائی وزیر یواین ایف پی اے و پائیڈ نا جاست وپاستی کاریم نا ستاءِ کرے۔ اوپارے کہ پاکستان ڈیہہ اٹی اسٹ انگا ملک ءِ ہرا دا بابت کاریم کرینے و داڑآن پالیسی ساز، تعلیم نا چاہندار و پولکار آتے کمکاری دوئی مریک۔
