اسلام آباد۔ 14 دسمبر (اے پی پی) سعودی عرب تون پاکستان نا واپاری نسخان اٹی برجامالی سال اٹی کمتی ریکارڈ کننگانے، مالی سال انا اولیکو 4 تُو اٹی سعودی عرب ءِ پاکستان نا برآمد آتیٹی ودکی وخت اس کہ سعودی عرب آن درآمد آتیٹی کمتی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی آن اکتوبر 2023 اسکان نا مد اٹی سعودی عرب ءِ برآمد آتیان ملک ءِ 214.98 ملین ڈالر نا زرمبادلہ دوئی مس ہرا تدوک آ مالی سال انا ہندا مد انا مقابلہ ٹی 47 درسد زیات ءُ، تدوک آمالی سال اناہند امد اٹی سعودی عرب ءِ برآمد آتیان ملک ءِ 146.77 ملین ڈالر نا زرمبادلہ دوئی مسوسس، اکتوبر اٹی سعودی عرب ءِ برآمد آتیان ملک ءِ 65.71 ملین ڈالر نا زرمبادلہ دوئی مس ہرا ستمبر اٹی 54.097 ملین ڈالر و تدوک آ سال اکتوبر اٹی 31.94 ملین ڈالر ئسر، مالی سال 2023اٹی سعودی عرب ءِ پاکستانی برآمد آتا کچ 504.15 ملین ڈالرریکارڈ کننگاسس۔ حساب وکتاب نا رداٹ برجامالی سال انا اولیکو چار تُو اٹی سعودی عرب آن درآمد آتا کچ 1.125 ارب ڈالرریکارڈ کننگا ہرا تدوک آ مالی سال انا ہند امد انا مقابلہ ٹی 21.39 درسد کم ءُ، تدوک آمالی سال انا ہند امد اٹی سعودی عرب آن درآمد آتیا 1.366ارب ڈالر نا زرمبادلہ خڑچ مسوسس۔ اکتوبر اٹی سعودی عرب آن درآمد آتا کچ 385.87 ملین ڈالر ریکارڈ کننگا ہرا ستمبر اٹی 415.48 ملین ڈالر و تدوک آ سال اکتوبر اٹی 226.26 ملین ڈالر ئسر، مالی سال 2023اٹی سعودی عرب آن درآمد آتیا 3.324 ارب ڈالر نا زرمبادلہ خڑچ مسوسس۔
