چاغی۔ 14 دسمبر (اے پی پی) وزیراعلیٰ بلوچستان انسپیکشن ٹیم انا باسک جمیل احمد لہڑی و عبدالقدوس مینگل چاغی نا دورہ ءِ کریر، صوبائی حکومت نا کنڈآن زیر تعمیر السی راجی آسودہی نا چندی ڈٹ آتا سرجمی اٹ معائنہ ءِ کریر۔ چھترپوزوہی نا ہند آ پوزوہی واٹر سپلائی اسکیم ہراڑآن دالبندین شار و کیبی ءِ دیر انا فراوانی نا بھلو ڈٹ انا جوانی اٹ معائنہ ءِ کریر۔ داکان بیدس پدگ دالبندین اٹی ہم چندی اسکیم تا کاریم نا آب و پوروی نا بابت آگاہی دوئی کریر۔ داکان بیدس سرکٹ ہاؤس دالبندین اٹی سرکاری آفیسر آتا دیوان آن ہم تران کریر۔ داوخت آ ایڈیشنل ڈپٹی کمشنر چاغی عطاء اللہ بلوچ ایکسیئن پی ایچ ای محمدعرفان رئیسانی ایکسیئن بی اینڈ آر علی بخش بلوچ ایس ڈی اوبی اینڈآر حذیفہ ، ڈپٹی ڈائریکٹر واٹر مینجمنٹ حاجی یحییٰ ریکی محکمہ کشت وکشار نا آفیسر شاہ نواز بلوچ محکمہ ایری گیشن نا ڈائریکٹر قاسم شاہ بلوچ لوکل گورنمنٹ نا اسسٹنٹ ڈائریکٹر انجینئر ایاز کشانی بابو عبدالحمید ساسولی محکمہ پی ایچ ای نا ایس ڈی او صلاح الدین چنال بابوحاجی محمد داؤد محمدحسنی محکمہ تعمیرات و مواصلات ناانجینئر محمد رفیق سرپرہ تون اوار ایلوفک ہم ساڑی ئسر۔ تعلقدار محکمہ غاتا آفیسر آک وزیراعلیٰ بلوچستان انسپیکشن ٹیم انا باسک آتے چندی سائیٹ آتیا حوال تسر۔ ہراٹی برجاشونداری کاریم تا بابت پیش رفت آب و پوروی اوارءِ۔ اوکان پد سرکٹ ہاؤس دالبندین اٹی CMITنا باسک حاجی جمیل احمد لہڑی و عبدالقدوس مینگل ئسک ہندی صحافی تے سرجم حوال آتیان معلومدار کرسا پاریر کہ وزیراعلیٰ انسپکشن ٹیم انا دورہ نا مسخت شونداری کاریم تا بابت آگاہی، اوفتا آب و وخت آ پوروی نا بابت آگاہی دوئی کرسا رپورٹ CMITنا چیئرمین و اوکان پد وزیراعلیٰ بلوچستان ءِ ارسال کننگ ءِ۔ شونداری ڈٹ آتا وخت آ پوروی بھاز المی ءِ۔
