ہرنائی۔ 14 دسمبر (اے پی پی) انڈس ہسپتال اینڈ ہیلتھ نیٹ ورک و محکمہ جان جوڑی نا کنڈآن ہیلتھ حال ڈی ایچ او آفس اٹ سرکاری و پرائیویٹ ہسپتال وکلینک آتیٹی ملیریانا ٹیسٹ و درمان فراوان کروک آ فوکل پرسن تا اسہ دے ئی ٹریننگ اس اڈتننگا۔ ڈاکٹر فیاض مستوئی و ڈاکٹرزاہداللہ ترین و انڈس نا کوارڈی نیٹر شاہ میر بلوچ بشخ ہلوک آتے ڈبلیو ایچ او نا پوسکن آ …
ڈبلیو ایچ او نا پوسکن آپروٹوکول نا رداٹ ملیریا نا درمان کن فوکل پرسن تا اسہ دے ئی ٹریننگ اس اڈتننگا
گیشتریں ھال
ہرنائی۔ 14 دسمبر (اے پی پی) انڈس ہسپتال اینڈ ہیلتھ نیٹ ورک و محکمہ جان جوڑی نا کنڈآن ہیلتھ حال ڈی ایچ او آفس اٹ سرکاری و پرائیویٹ ہسپتال وکلینک آتیٹی ملیریانا ٹیسٹ و درمان فراوان کروک آ فوکل پرسن تا اسہ دے ئی ٹریننگ اس اڈتننگا۔ ڈاکٹر فیاض مستوئی و ڈاکٹرزاہداللہ ترین و انڈس نا کوارڈی نیٹر شاہ میر بلوچ بشخ ہلوک آتے ڈبلیو ایچ او نا پوسکن آ پروٹوکول درمان ملیریا نا بابت ٹریننگ تس۔ داوخت آ او پارے کہ ملیریا اسہ موذی مرض اسے و وخت آ درمان کپننگ آ داجون لیوا ثابت مننگ کیک انڈس ہسپتال و محکمہ جان جوڑی ملیریانا توننگ کن عملی وڑاٹ گام گیج کننگ ءُ ضلع ہرنائی ٹی 64 سرکاری و غیرسرکاری سینٹر آتا کمک اٹ ملیریانا مفت تشخیص و درمان نا آسراتی فراوان کننگ انگ ءِ ملیریا نا علامت پاش مننگ آ خڑک انا جان جوڑی نا ہند و ڈاکٹر آتون رجوع کننگے تانکہ داموذی مرض آن بچنگ مرے۔
