اقوام متحدہ۔ 14 دسمبر (اے پی پی) اقوام متحدہ نا سلامتی کونسل ڈیرہ اسماعیل خان اٹی دہشت گرد جلہو نا ترندی اٹ مذمت ءِ کرسا غٹ ریاست آتیازور شاغانے کہ او جلہو اٹی اوار بندغ آتے اوفتے اوفتا کروک نا سزا ترفنگ اٹ پاکستان تون کمک کیر۔ اقوام متحدہ نا 15 باسکی سلامتی کونسل نا صدر جوزڈی لاگا سکانا کنڈآن جاری پریس ریلیز نا رداٹ سلامتی کونسل نا باسک آک زہمی تا خاہوت و حکومت پاکستان تون ہمدردی و ہڑزخواہی نا درشانی ءِ کرے و ٹھپی تا زوت و پورو دراخ جوڑی کن نیک است خواہی نا درشانی ءِ کرے بیان اٹی پاننگاکہ سلامتی کونسل نا باسک آک دا عزم انا درشانی ءِ کریر کہ دہشت گردی تینا غٹ دروشم آتیٹی جہانی امن و سلامتی کن غٹ آن بھلا خطرہ غاتیان اسٹ ءِ۔ سلامتی کونسل نا باسک آک داہیت آ زور شاغار کہ دہشت گردی نا داقابل مذمت کارروائی تا مرتکب بندغ آک، منتظمین، مالی کمک کروک و کاٹم خواجہی ءِ کروک آتے جوابدہ گوندفنگ و اوفتے اوفتے اوفتا سزاتننگ و دا چرجوئی ٹی حکومت پاکستان تون اوار اوار ایلو غٹ تعلقدار کمامدارآتون فعال کمکاری کننگ ناگرج ءِ۔ باسک آک داہیت انا درشانی ءِ کریر کہ دہشت گردی نا ہر کارروائی مجرمانہ و بے سوب ءِ ، داہیت آن ایڑتر کہ دانا سوب آک انت کہ مریر ہراڑے کہ ، ہراتم کہ و ہرکس کہ ارتکاب کے۔ اواقوام متحدہ نا چارٹر و جہانی کانود نا رداٹ جہانی انسانی حق انا کانود، پناہ گزین تا جہانی کانود و جہانی انسانی حق انا کانود، دہشت گردی نا کارروائی تا سوب آن جہانی امن و سلامتی ءِ مون تروک خطرہ غاتون اوار ایلو زمواری تا رداٹ غٹ ریاست آتے دہشت گردی نا برخلاف ہروڑات مون تننگ نا گرج ءِ تالان کرے۔
