اسلام آباد۔13دسمبر (اے پی پی): ادارکی بنجاھی وزیر برائے تجارت ءُ صنعت ڈاکٹر گوہر اعجاز ءَ گوشتگ کہ چین پاکستان اقتصادی راہداری ءِ دومی بھر ءَ پرائیویٹ شوبگ آنی تہ ءَ بھر زوری ءَ را دیمروئی دیگ بیت۔ آئی ءَ ا ے گپ چار شمبے ءِ روچ ءَ وتی چین ءِ تر ءُ تاب ءِ ساھت ءَ مینگلی گروپ ءِ ھیڈ کوار ٹر ءِ تر ءُ تاب ءِ موہ ءَ کت۔ ڈاکٹر گوہر اعجاز ءِ سروکی ءَ ڈل ءَ ہینگلی گروپ ءِ سروک آنی گوما ھیال ریچی کت ءُ استیں کمک آنی نوکیں موہ پٹ ءُ پول کنگ ءِ ھوالگ ءَ گپ ءُ تران کنگ بوت۔ گپ ءُ تران ءِ بنجاہ چین پاکستان اقتصادی راہداری (سی پیک) ءِ دومی بھر ءَ چہ سیت چست کنگی ات تانکہ پرائیویٹ شوبگ ءِ شریکداری ءَ را دیمروئی دیگ بوت بہ کنت۔ بنجاھی وزیر ءَ پاکستان ءِ مردم آنی واستہ معاشی دیمروئی ءُ روزگار ءِ موہ پیداک کنگ ءَ آئی ءِ شریکداری ءِ کرد آنی بابت ءَ زور پر دیان ءَ گوشت کہ اے رنگیں کمک آناں آسان جوڑ کنگ ءِ جزم ءِ درشان کت۔
