اسلام آباد۔13دسمبر (اے پی پی): حزانگءِ ادارکی بنجاہی وزیر ڈاکٹر شمشاد اختر ءَ گشتگ کہ مالیاتی ڈسپلن، زرکاری، توانائی، برآمدات ءِ تہا چیلنج آں آبید محکمی ءِ گامگیج ء ُ مٹء ُ بدلی ءِ عمل ءِ وسیلگءَ مالیاتی ء ُ ڈنی پڑءِ محکمی ءَ را الم کنگ بوتگ، شپوکی، غیر کانودی ٹرانزیکشنز ء ُ ایکس چینج کمپنی آنی حلاپ ءَ کاروائی ءِ نتیجگءَ 5 ستمبر ءَ پد ڈالرءِ مقابلہ ءَ پاکستانی کرنسی ءِ شرپ ءِ تہا 9 درسد گیشی بوتگ، سٹاف لیول منء ُ گِرءِ منظوری ءَ پد پاکستان ءَ را آئی ایم ایف ءِ 700 ملین ڈالر ءِ قسط دئیگ بوتگ، اُمیت اِنت کہ پاکستان ءَ را دونیمگی ءُ دیریگیں شریداراں چہ 4.5 ارب ڈالر ءِ کمک دست کپیت۔ حزانگ ءِ وزیر ءَ گشتگ کہ اے جیڑہ آنی سوب ءَ چہ پاکستان ءِ ھاترءَ مالی گنجائش کم بوتگ کہ آئی ءَ چہ سماجی ءُ دیمروئی پِرءِ سرءَ اثر بوتگ اَنت ء ُ مئے نمو آماچ بوتگ۔ آئیءَ گشتگ کہ اے جیڑہ آناں گرء ُدار کنگءِ ھاترءَ محکمی ءَ گوں گامگیج چست کنگ بوتگ اَنت۔ معیشتءِ محکمی، مارکیٹ ء ُ بیپاری براتی ءِ اوستءِ تہا گیشی ء ُ زرکاری ءَ را گیش کنگءِ ھاترءَ گامگیج کنگ بوتگ اَنت۔
