اسلام آباد۔ 13 دسمبر (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ مچ آملک اٹی جعلی دوائی تا بہاکننگ نا برخلاف کریک ڈاؤن برجاءِ۔ وزارت جان جوڑی نا کنڈآن جاری ٹویٹ نا رداٹ ڈاکٹر ندیم جان پارے کہ نگران وزیراعظم نا وژن نا رداٹ ملک آن جعلی دوائی تا چٹفنگ نا پکا عزم کرینے۔ اوپارے کہ ڈریپ ، ڈرگ انسپکٹرز سندھ کراچی ٹی جلعی دوائی جوڑ کروک آ کارخانہ غاتیا چھاپہ خلسا بھلو کچ اسے ٹی جعلی دوائی کوزہ ٹی ہلکنو وخت اس کہ کارخانہ نا مالک و5 ورکرآتے دزگیرکرسا کارروائی نابناءِ کرینو۔ اوپارے کہ جعلی دوائی تا چٹفنگ اسکان آرام اٹ تولپنہ۔وزارت جان جوڑی نا قلمدان ءِسنبھالنگ تون ڈریپ ءِ غیررجسٹرڈ و جعلی دوائی تا چٹفنگ نا ٹاسک تسوسن۔
