بیجنگ۔ 13 دسمبر (اے پی پی) گلگت بلتستان نا سرکاری آفیسر و کشاری چاہندار آتا اسہ ڈل اس چین نا شار لانژو نا دورہ ٹی کشاری ٹیکنالوجی و مشینری ءِ گلگت بلتستان منتقل کننگ کن مفاہمت نا یات داشت آ دستخط کرینے۔ ڈل لانژو نا دورہ نا وخت آ ہندی کاروباری ادارہ غاتا نمائندہ غاتون اوڑدہی کرے و تین پہ تینی کمکاری ناگمان تیا پبی گپ وتران کرے۔ چائنا اکنامک نیٹ (سی ای این) نا رپورٹ نا رداٹ ، گانسواکیڈمی آف مکینیکل سائنس نا ذیلی ادارہ جینکیفینگ کمپنی نا دورہ ٹی، پاکستانی ڈل پروڈکشن بیس انا دورہ ءِ کرے و کمپنی نا فلیگ شپ مصنوعات و اوفتا کشاری پیدوار اٹی گیشتر ایپلی کیشن تا بارواٹی جوان معلومداری دوئی کرے۔
