اسلام آباد۔ 13 دسمبر (اے پی پی) بنجائی سیکرٹری جان جوڑی و سیکرٹری داخلہ نا اسیجائی کماشی ٹی اہم بین الوزارتی دیوان اس اڈتننگا۔ ڈی جی ہیلتھ ، داخلہ، نادرا، این ای او سی، ای پی آئی و شریدار تنظیم تا اہم عہدیدار و نمائندہ غاک دیوان اٹی بشخ ہلکر۔ وزارت جان جوڑی آن جاری ٹویٹ نا رداٹ دیوان نگران وزیراعظم نا کنڈآن جاری پارت آتا پس منظر اٹ اڈ تننگا تانکہ پولیو دین نا خطرہ ءِ کم کننگ کن غٹ اہل آبادی نا ویکسی نیشن ءِ پک کننگ مرے۔ دیوان اٹی غٹ نقل مکانی کروک آ اوغان آبادی ءِ پولیو آن بچفنگ ناپڑی کنفنگ کن کمکاری آ ہم امنا کننگا۔ وزارت داخلہ اوغان باہوٹ آتا ویکسی نیشن اٹ وزارت جا ن جوڑی نا کمک ءِ کیک۔ پولیو پروگرام آخبتی ٹرانزٹ پوائنٹ آتے غٹ جہانی سیمی کراسنگ آتون ہم گرنچ کے تانکہ داہیت ءِ پک کننگ مرے کہ اسہ چناس ہم پولیو ویکسین آن سلپ۔ دیوان اٹی امنا کننگا کہ نادرا اوغان آبادی نا ویکسی نیشن اٹ کمکاری کن معلومداری تے ڈیجٹائز کے۔
