اقوام متحدہ۔ 13 دسمبر (اے پی پی) پاکستان اقوام متحدہ نا جنرل اسمبلی ٹی خبڑدار کرینے کہ اسرائیل نا مسخت بیرہ فلسطینی مخلوق ءِ آخا بلکن فلسطینی ریاست نا مچ آ تصور ءِ ہم چٹفنگ ناءِ۔ وحشیانہ اسرائیلی جلہوآتے اسہ کنڈی کشت وخون گوندسا اوپارے کہ اسرائیل دا جھیڑہ نا زیات زموار ءِ۔ اوپارے کہ اوپارے کہ ہراتم نم مخلوق ناآجوئی و شرف آن نمن مریرے ، ہراتم نم اوفتے ذلیل کیرہ و اوفتے زندان اٹی محصور کرسا تخیرے، ہراڑے نم اوفتے داوڑ خلیرے دُن کہ اودرندہ مریر، تو او ایلوفتے تون ہم ہمووڑ کیرہ ہراوڑاوفتے تون کننگک۔ پاکستانی مندوب پارے کہ دا بھاز افسوزناک ءِ کہ اسرائیل نا گڑاس سنگت ملک آک اسہ وار ولدا بیرہ اسہ فریق اسے نا مذمت بلکن ایلو ءِ بری الذمہ کننگ کن ترمیم درستی راستی کرفینو۔ اوغزہ ءِ زندان اس گوندسا پارینے کہ اودے یقین ءِ کہ زیات تر باسک ملک آک بیرہ حماس آ دوبہ خلنگ آن اتفاق کپسہ بلکن اسرائیل ءِ غزہ نا ’’اوپن ایئرجیل‘‘ آ بمباری نا زمواری گوندفرہ۔ پاکستانی مندوب مچ آ دنیا نا مندوبین آتے پارینے کہ اگہ بیرہ حماس نا پن ءِ ہلنگک و اسرائیل نا آخا تو نم اسرائیل جارحیت ءِ مرک انا رولٹ وہیل (گوازی) برجاتخنگ نا جواز اس فراوان کیرے۔
