اسلام آباد۔ 13 دسمبر (اے پی پی) نگران بنجائی وزیر خزانہ، محصولات و اقتصادی امور ڈاکٹر شمشاد اخترپارینے کہ مالیاتی ڈسپلن، زرکاری، مسابقت، توانائی، برآمد آتیٹی ودکی، کٹیا و روزگار نا وارخواہی تا فراوانی وکیپٹل مارکیٹ نا گچینی نگران حکومت نا اولیت آتیٹی اوار ءِ، تہہ و پیشن نا چیلنج آتیان پد ہم سوگوی نا گام گیج و اصلاحات ناعمل نا کمک اٹ مالیاتی و پیشن نا بشخ انا سوگوی ءِ پک کننگانے۔ اسمگلنگ، غیرکانودی ٹرانزیکشن و ایکس چینج کمپنی تابرخلاف کارروائی تیٹی 5 ستمبر آن پد ڈالر نا مقابلہ ٹی پاکستانی کرنسی نا قدر اٹی 9 ودرسد نا ودکی مسنے، سٹاف لیول معاہدہ نا منظوری آن پد پاکستان ءِ آئی ایم ایف نا 700 ملین ڈالر نا قسط دوئی مس، گمان ءِ پاکستان ءِ ہڑتوم آ کنڈآتا و کثیر الجہتی شریدار آتیان 4.5 ارب ڈالر نا کمک دوئی مس۔ چارشنبے نادے آ آئی سی ایم اے ءِ خصوصی انٹرویو ترساوزیرخزان پارےکہ مالی سال 2023-24پاکستان نا زرگزران کن کیہی چیلنج آتون بناکرے۔ پاکستان نا زرگزران ءِ تدوک آ سال بروک آنوکاپ نا نسخان و بھسکاری تامون تروک ئس، زرمبادلہ و زرراہی تس نا ویل آتا سوب آن مالی و حسابات جاریہ نا کھاتہ غاتا نسخان کون آ ویل ننے مون تروک ئس۔ داڑتون اوار اوار یوکرائن کون آ ویل آتا سوب آن جہانی منظر نامہ ہم موافق الوکہ ہراڑآن ایلو ملک آتیانبار پاکستان ہم زہمی مس۔ وزیرخزانہ پارے کہ دا ویل آتا سوب آن پاکستان کن مالی گنجائشت کم مس ہراڑآن راجی و شونداری بشخ آ اثرمرتب مس و ننا نمو زہمی مس۔
