پشین۔ 13 دسمبر (اے پی پی) ڈپٹی کمشنر پشین کیپٹن ریٹائرڈ جمعہ داد خان مندوخیل تدوک آدے ڈسٹرکٹ نا ہزار آ ملازم آتا حاضری نا بابت سرکلرجاری کریسس ہراٹی غٹ ضلعی محکمہ غاتا ملازم آتے اوفتا آفس اٹ روبرو پیش مننگ نا پرمان جاری کننگاسس۔ ہرانا چرجوئی ٹی محکمہ کشت وکشار و اونا ایلو شاخ تتون اوار محکمہ بی اینڈ آر نا سد آ بندغ آک دمدستی ڈی سی کمپلیکس اٹی حاضری تننگ کن سرمسر۔ ڈپٹی کمشنر لائن ڈیپارٹمنٹس نا ملازم آتیان تران کرسا پارے کہ غیرحاضر ملازم آتون ہچ وڑنا رعایت اس مفک۔ سرکاری تنخواہ ہلوک آک داسہ ہم کاریم کیرہ، ڈیوٹی ٹی ڈیوالئی و لاپرواہی ءِ اسُل سگپنہ، ہراملازم فزیکل ویری فیکیشن و حاضری کن بفک او زوت ملازمت آن فارغ مریک۔ فزیکل ویری فیکیشن و حاضری ٹی ایڈیشنل ڈپٹی کمشنر عقیل احمد بلوچ ہم ڈپٹی کمشنر پشین تون اوار ئس۔ سیاسی، راجی و السی حلقہ غاک ڈپٹی کمشنر نا دا گام انا جوان ستاءِ کریر۔ یات سلے ایلو محکمہ غاتا ملازم آتا ویری فکیشن وحاضری ءِ چیک کننگ نا چرجوئی تاہم برجاءِ۔
