اسلام آباد۔ 12 دسمبر (اے پی پی) نگران وزیراعظم انوارالحق کاکڑ ضلع ڈیرہ اسماعیل خان نا علاقہ درابن نا پولیس اسٹیشن آ دہشت گرد جلہونا ترندی اٹ مذمت ءِ کرینے ۔ سے شنبے نادے آ  وزیراعظم آفس نا میڈیا ونگ آن جاری بیان نا رداٹ وزیراعظم دہشت گرد جلہو اٹی شہید مروک آپولیس کارندہ غاتا درجہ غاتا بڑزی کن دعا و اوفتا خاہوت تون ہڑزخواہی نا درشانی ءِ کرے۔ وزیراعظم جلہو اٹی ٹھپی مروک آتے ہرممکن طبی امداد تننگ نا پارت کرینے۔ وزیراعظم پارے کہ داوڑنا لغوری کارروائی تیان سیکورٹی فورس آتا حوصلہ ءِ شیف شاغنگ مفک۔ مچ آ قوم دہشت گردی نا برخلاف جنگ اٹی جون تے ندر کروک آ شہید آتے سلام پیش کیک۔

متعلقہ مضامینمصنف کی طرف سے مزید