اسلام آباد۔ 12 دسمبر (اے پی پی) بنجائی نگران وزیر واپار و صنعت ڈاکٹر گوہر اعجاز چین نا نائب وزیرواپار لی فی تون اوڑدہی کرینے۔ ہڑتوم آ وزیرآک چین پاکستان اقتصادی راہداری (سی پیک) نانفاذ، اقتصادی تعلقداری ءِ پین سوگو کننگ و واپار و زرکاری نا چندی وارخواہی پٹنگ کن گپ وتران کریروہڑتوم آ واپار و زرکاری ءِ ودفنگ آ پین کاریم کننگ نا عزم انا درشانی ءِ کریر۔ اوڑدہی ٹی ڈاکٹر گوہر اعجاز براہ راست درملکی زرکاری ءِ آسان کننگ کن پاکستان نا حکومتی پالیسی تے ہم مون آ تخا و پاکستان اٹ زرکاری ءِ مون آ دننگ کن اسہ متحد نقطہ نظر اسے مون آ دننگ کن ممکنہ زرکارآتیکن ’سنگل ونڈو‘ انٹرفیس نا وڑٹ خصوصی زرکاری سہولت کونسل (ایس آئی ایف سی ) ناکڑد اناذکر ءِ کرے۔ یات سلے کہ ڈاکٹر گوہر اعجاز واپاری ڈل انا 20 باسک آتون چین نا دورہ غاٹی ءِ۔
