ڈیمز عملدرآمد کمیٹی نا دیوان، مہمند و دیامربھاشاڈیمز آ پیش رفت نا جاچ ءِ ہلنگا

اسلام آباد۔ 12 دسمبر (اے پی پی) واپڈانا چیئرمین انجینئر لیفٹیننٹ جنرل (ر) سجاد غنی نا کماشی ٹی سپریم کورٹ آف پاکستان نا پرمان آ ٹہیفوک آ عملدرآمد کمیٹی دیامر بھاشا و مہمند ڈیمز کمیٹی نا دیوان سیکرٹریٹ اٹی اڈ ہلک ہراٹی ہڑتوم آپروجیکٹ آتیا پیش رفت نا جاچ ءِ ہلنگا۔ دیوان اٹی چیف سیکرٹری گلگت بلتستان، ایڈیشنل سیکرٹری (بجٹ) فنانس ڈویژن و سیکرٹری/سینئر ممبر بورڈ آف ریونیو خیبرپختونخوا زوم انا کمک اٹ بشخ ہلکر، ایڈیشنل چیف سیکرٹری (ڈویلپمنٹ) خیبرپختونخوا، جوائنٹ سیکرٹری پرائم منسٹرآفس، سیکرٹری ڈیمز عملدرآمد کمیٹی /جوائنٹ سیکرٹری منسٹری آف واٹرریسورسز ، نمائندہ چیف واٹر پلاننگ ڈویلپمنٹ اینڈ ریفارمزڈویژن، رجسٹرار سپریم کورٹ و ایلو سینئر آفیسر آک ہم داوخت  آ ساڑی ئسر۔ دیوان آن تران کرسا واپڈاو ڈیمز عملدرآمد کمیٹی نا چیئرمین سجاد غنی دیامربھاشا  ومہمند ڈیم نا وخت آ پوروی کن عملدرآمد کمیٹی و اونا ذیلی کمیٹی تا سرسہبی تیا است جمی نا درشانی ءِ کرے۔ چیئرمین پارےکہ ڈیمز کمیٹی ہڑتوم آ اہم ڈٹ آتا تفنگ کن پبی کڑد ادا کننگ ءِ۔ اوبشخ ہلوک آتا منت واری ءِ ہرفے و اومیت ظاہر کرے کہ ہڑتوم آ ڈٹ آتا تفنگ و اوفتے مون تروک امور ءِ ایسر کننگ کن عملدرآمد کمیٹی نا فورم گچین کڑد ادا کننگ کیک۔ اوکان پد ممبر(فنانس) واپڈ ادیوان ءِ ہڑتوم آ پروجیکٹ آتا مالی امور نا بابت معلومدار کرے۔