اسلام آباد۔ 12 دسمبر (اے پی پی) اسپیکر قومی اسمبلی راجہ پرویز اشرف ڈی آئی خان اٹی درابن پولیس اسٹیشن آ دہشت گرد آتا جلہو نا مذمت ءِ کرسا پولیس کارندہ غاتا جونی نسخان آ است ہسونی نا درشانی ءِ کرینے۔ سے شنبے نادے آ تینا مذمتی بیان اٹی او شہید آتا خاہوت آتون ہڑزخواہی و ہمدردی نا درشانی ءِ کرے و شہید مروک آ پولیس کارندہ غاتا درجہ غاتا بڑزی کن و پدسلوک آتیکن صبر وجمیل نا دعاکرے۔ اسپیکر جلہو اٹی ٹھپی مروک آتا زوت دراخ جوڑی کن دعا کرے و پارے کہ دہشت گرد کارروائی تیٹی اوار زموار آک ملک و قوم انا دشمن ءُ۔ دہشت گردی نا برخلاف ننا کانود نافذ کروک آ ادارہ غاتا کارندہ غاک بے مٹ قربانی تسنو۔ دہشت گرد لغوری کارروائی تے اٹ دہشت گردی نا برخلاف ننا حوصلہ ءِ متزلزل کننگ کپسہ۔ مچ آ قوم دہشت گردی نا برخلاف جنگ اٹی متحد ءُ۔
