اسلام آباد۔ 12 دسمبر (اے پی پی) وزارت مذہبی امور سرکاری و سپانسر شپ حج اسکیم نا درخواست آتا مد اٹی 10 دے انا ودکی نا فیصلہ کرینے۔ سے شنبے نادے آ نگران وزیر مذہبی امور انیق احمد اسہ انٹرویو اسے ٹی پارے کہ حج پیکج اٹ تدوک آ سال انا مقابلہ ٹی برجاسال اسہ لکھ روپئی کمتی کننگاسس ولے ملک انا زرگزرانی حالیت آتا سوب آن 27 نومبر آن 12 دسمبر اسکان کم درخواست دوئی مسنے ہرانا سوب آن وزارت مذہبی امور سپانسر شپ و سرکاری حج اسکیم نا درخواست آتا وصولی ٹی 10 دے پین ودفینے۔ یات سلے کہ وزارت مذہبی امور حج درخواست آتا وصولی نا عمل 27 نمبر آ بناکریسس۔ 12 دسمبر اسکان 41 ہزار آن زیات حج درخواست دوئی مس۔ برجاسال سرکاری و سپانسر شپ اسکیم تا رداٹ حج درخواست آتا کوٹہ 89 ہزار آن زیات مقرر کننگاسس۔ برجاسال جم وڑاٹ سرکاری و پرائیویٹ اسکیم تا رداٹ اسہ لکھ 79 ہزار 210 پاکستانی حج انا فرض ءِ ادا کیرہ۔
