کوئٹہ۔ 12 دسمبر (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر و چیئرمین سینیٹ صادق سنجرانی مسہ دے ئی دورہ غا متحدہ عرب امارات اٹی ساڑی  ءُ، ہراڑے اوفک مملکت نا اسپیکر سقرگوباش تون اوڑدہی کریر۔ اوڑدہی ٹی تین پہ تینی است خواہی نا امور آ گپ وتران کننگا پاکستانی ڈل و متحدہ عرب امارات نا کمامدارآتا نیام اٹ ہڑتوم آملک آتا نیام اٹ واپاری کچ ءِ ودفنگ آ امنا مس۔ داڑے جاری مروک اسہ بیان اسے ٹی سینیٹر محمد عبدالقادر پارے کہ پاکستان و متحدہ عرب امارات  نا نیام اٹ سوگو تعلقداری ءِ پین گچین کننگ و مون آ دننگ کن ہرممکن کوشست کننگے تانکہ ہڑتوم آ ملک آک ترندی اٹ شونداری و شونہالی نا مزل آتے طے کیر۔ اوپارےکہ پاکستان امارات تعلقداری ٹی پوسکن آ ن پوسکن جہت ودی مننگ ءِ ہراکہ نئے بیرہ ہڑتوم آ ملک بلکن ڈیہہ انا جم شونداری کن ستاکڑزک ہراحیران کن وڑاٹ متحدہ عرب امارات شونداری کرینے دنیا نا ایلو ملک آتیکن تقلید نا سوب ءِ۔ اوپارے کہ امارات نا پائیدار شونداری نا چکا چوند نا پداٹ مملکت ناشاہی خاہوت نا بصیرت و دے ونن خواری نا عمل دخل ءِ شونداری ڈٹ آتا ہرا بناءِ امارات نا صدر شیخ زید بین سلطان النہیان کریسس اوفتے اونا مار شیخ محمد بن سلطان النہیان بام عروج آ سرکرینے شیخ محمد بن سلطان النہیان حقی وڑتیٹی پوسکن آ متحدہ عرب امارات نا معمار ءِ مملکت پوسکن آ ٹیکنالوجی آن شپ پوسکن آ ن پوسکن ڈٹ آتے بے کچ ترندی اٹ پورو کرینے۔ چیئرمین قائمہ کمیٹی محمد عبدالقادر پارے کہ انفارمیشن ٹیکنالوجی و تعمیرات نا بشخ اٹی ہڑتوم آملک آتا نیام اٹ کاریم نا بے کچ گنجائشت ساڑی ءِ پاکستان نا تعمیرات نا ماہرآک مدام تینا لائخی تے منفینو، پاکستانی ڈل اٹی ساڑی تعمیرات نا ماہرآک مملکت نا تعمیرات نا بشخ اٹی بھاز است خواہی نا درشانی ءِ کرینو متحدہ عرب امارات نا کمامدار و تعمیرات نا بشخ اتون وابستہ چنیدہ بندغ آک ہم پاکستانی تعمیرات نا ماہر آتون اواری اٹ جہانی ڈٹ آتیاکاریم نا بناءِ کننگ اٹ است خواہی نا درشانی ءِ کرینو پوسکن آ وڑتتون ہم گرنچ پوسکن آ تعمیرات اٹی پاکستانی ماہر و تعمیراتی کمپنیک مچ آ دنیاٹی بڑزکو ہند اس تخرہ۔

متعلقہ مضامینمصنف کی طرف سے مزید