مسلم لیگ (ن) حقی السی نمائندہ جماعت اسے  و مچ آ پاکستان چاہک کہ میاں نواز شریف پاکستان نا شونداری نا ضمانت ءِ، مسلم لیگ (ن)  بلوچستان نا راہشون فاطمہ خان

کوئٹہ۔ 12 دسمبر (اے پی پی)مسلم لیگ (ن)  بلوچستان نا راہشون فاطمہ خان پارینے کہ مسلم لیگ (ن) حقی السی نمائندہ جماعت اسے  و مچ آ پاکستان چاہک کہ میاں نواز شریف پاکستان نا شونداری نا ضمانت ءِ ملکی شونداری و الس نا گچینی کن مریم نواز ہراوڑ غیرجمہوری واکدار آتا برخلاف سلیسنے دااسہ نڈر و قوم اکن دڑد تخوک ءُ لیڈر اسے نا نشانی ءِ۔ داہیت ءِ او وحدت کالونی، بروری روڈ کوئٹہ ٹی کارنرمیٹنگ و جنرل الیکشن 2024ء نا بابت زالبول آتا دیوان آن تران کرسا پارے۔ فاطمہ خان گچین کاری تیاری تیکن پارٹی نا زالبول و کارندہ غاتا جوزہ غاتا ستا ءِ کرے وپارے کہ الیکشن اٹ پبی تیاری اٹ مون آ برینہ۔ اوپارے کہ 8 فروری 2024 آ مروک آ لس گچین کاری تیٹی مسلم لیگ (ن) بھلو گیشتری اسے اٹ سرسہبی دوئی کیک انشاء اللہ بلوچستان آن پارٹی پبی قوت اتون زیات سیٹ کٹک 8 فروری نا دے پاکستان مسلم لیگ (ن) نا سرسہبی نا مستائی ءِ ترسا پاش کیک۔ اوپارے کہ مسلم لیگ (ن) ہمواسٹ انگا سیاسی جماعت ءِ ہرا الس نا ویل آتے ایسر کننگ نا لائخی تخک مسلم لیگ (ن) نا مرکزی چیف آرگنائزر بی بی مریم نواز زالبول آتا ویل آتے ایسر کننگ اٹ خاص است خواہی تخک۔ اوپارے کہ ہراتم نن غٹ یکجا مرسا و پارٹی نا سرسہبی کن دے ونن جہد و سخت خواری اٹ گچین کاری تیٹی بشخ ہلینہ تو سرسہبی ننا مریک۔ اوپارے کہ مسلم لیگ (ن) مسکوہی وزیراعظم میاں محمد نواز شریف ، مسکوہی وزیراعظم میاں شہباز شریف ، چیف آرگنائزر مریم نواز، صوبائی صدر شیخ جعفر خان مندوخیل ، صوبائی جنرل سیکرٹری جمال شاہ کاکڑ نا کماشی ٹی بلوچستان اٹی ترندی اٹ فعال مننگ ءِ۔ فاطمہ خان پارے کہ اللہ نا فضل و الس نا پت اٹ گچین کاری تیٹی پبی سرسہبی دوئی کینہ مسلم لیگ (ن) نا سرسہبی پاکستان ءِ ویل آتیان نجات ترفنگ کن اہم ءِ۔