فٹبال، خاران ، پنجگور و گوادر وخت اس کہ کرکٹ اٹ حب چوکی، تربت،پنجگور ، خاران سرسہب

کوئٹہ۔ 12 دسمبر (اے پی پی) سدرن بلوچستان اسپورٹس یوتھ اینڈ کلچرل فیسٹیول 2023اٹی اینو کرکٹ و فٹبال تون اوار کیہی گوازی تا مقابلہ اڈ ہلک ہرافتے ٹی فٹ والی، بیج کرکٹ، زالبول آتا کرکٹ میچ زالبول آتا رسہ کشی زالبول میراتھن اوار ءُ۔ فٹبال ٹورنامنٹ اٹی مروک آ اولیکو میچ اٹی حب چوکی و پنجگور نا نیام اٹ شاندار ءُ میچ اس مس ہڑتوم آ ٹیمک گچین ءُ گوازی اس کریر و تخوک آ وخت اسکان اِرا اِراگول اٹ میچ بریبر ئس فیصلہ پلنٹی ککس آتیا کننگا ہراٹی پنجگور نا ٹیم سرسہبی دوئی کرے  ارٹ میکو میچ اٹی خاران و مستونگ نا نیام اٹ مس ہرا خاران اسہ گول اٹ کٹا مسٹ میکو میچ گوادر و سوراب نا نیام اٹ مس میچ بھاز دلچسپ ئس ہرادے پین دلچسپ گوادر نا کنڈآن وزیرگوازی و دودوربیدہ نوابزادہ میر جمال خان رئیسانی و ڈپٹی کمشنر گوادر سوراب نا ٹیم نا کنڈآن بشخ ہلسا جوڑ کریر اولیکو ہاف اٹی سوراب اِرا گول انا برتری دوئی کرے اولیکو ہاف انا چٹنگ آن زرس مست گوادر گول کرسا مقابلہ ءِ اِرٹ اسٹ کرے میچ انا چٹنگ آن مست گوادر اِرٹ میکو گول ءِ کرسا میچ ءِ 2-2 اٹ بریبر کرے میچ انا فیصلہ پلینٹی ککس آ مس ہراڑ آ گوادر نا ٹیم سرسہبی دوئی کرے کرکٹ اٹ اولیکو میچ حب چوکی و آواران نا ٹیم تا نیام اٹ مس حب چوکی ٹاس ءِ کٹسا اول بیٹنگ کرسا تخوک آ 20 اووراٹی 10 وکٹ آتا نسخان آ 286 رن کرے وخت اس کہ آواران نا مچ آٹیم 74 رن جوڑ کرسا آؤٹ مس ہندا وڑ دا میچ حب چوکی 212 رنز اٹ کٹا کرکٹ نا ارٹ میکو میچ تربت و واشک نا نیام اٹ مس تربت ٹاس ءِ کٹسااول بیٹنگ کننگ نا فیصلہ ءِ کرے تربت اول بیٹنگ کرسا تخوک آ20 اووراٹی چار وکٹ آتا نسخا ن آ 235 رن کرے واشک نا ٹیم 16 اووراٹی 150 رن کرساآؤٹ مس۔ مسٹ میکو میچ پنجگور و لسبیلہ نانیام اٹ مس پنجگور ٹاس ءِ کٹسا اول گوازی کرسا تخوک آ 20 اووراٹی 190 رن کرے وخت اس کہ لسبیلہ نا مچ آ ٹیم 160 رن کرسا آؤٹ مس چارمیکو میچ قلات وخاران نا ٹیم تا نیام اٹ مس خاران نا ٹیم اول بیٹنگ کرسا تخوک آ20 اووراٹی 226 رن کرے وخت اس کہ قلات نا ٹیم مچ آ ٹیم 145 رن آ آؤٹ مس پگہ ٹورنامنٹ اٹ فٹبال نا ارٹ وخت اس کہ کرکٹ نا چار میچ مریک۔