ادارکی  مزن وزیر انوارالحق  کاکڑ ءَ نوکیں ویزا  نظام ءِ  بنگیج  کت

اسلام آباد۔11دسمبر  (اے پی پی): ادارکی  مزن وزیر انوالحق کاکڑ ءَ دو شمبے ءَ وزارت  ءِ تہی کار ءَ نوکیں ویزا ءِ نظام ءِ بنگیج   کت۔ آئی ءَ وزارت ءِ تہی کار  ءَ  میڈیا    سنٹر  ءِ بنگیج  ھم کت۔  اے موہ ءَ  وزیر ءِ  تہی   کار    سرفراز  بگٹی   ھم ساڑی  ات۔  وزارت ءِ تہی  کار ءَ  مزن وزیر ءَ نوکیں ویزہ  نظام ءِ بابت ءَ سر پد  کت۔  مزن وزیر ءَ را گوشگ بوت  کہ  نوکیں ویزا  نظام ءِ چیر دستیءَ بزنس  مینو ں    ءَ را کم   ءَ چہ کم وھد ءَ ویزہ  آنی بنگیج  کنگ بیت ءُ  اے مول ءُ  مراد  آنی واستہ  کم  ءَ چہ کم  مسل   پکار  بنت۔  ویزہ   آنی  بنگیج  ءِ کار ءَ را آسان  جوڑ  کنگ بیت  تانکہ  ملک ءَ سرمایہ کار  ءُ کاروبار  آناں دیمروئی رسیت۔  مزن  وزیر ءَ وزارت  ءِ تہی کار  ءِ نیمگ ءَ چہ نوکیں ویزہ   نظام  ءَ را  وشیں   کلوہ  ءِ نامینت   ءُ گوشت  کہ  ایشی ءَ چہ     کاروبار  ءُ سرمایہ کار ی ءَ را  دیمروئی رسیت ۔  مزن وزیر    ءَ  وزارت  ءِ تہی کار ءَ  میڈیا  سنٹر     ءِ ھم  بنگیج    کت۔  وزیر ءِ تہی کار  ءَ اے موہ ءَ گوشت  کہ  نادرا   ءِ کمک ءَ  چہ    وزارت  ءِ  تہی کار ءَ  میڈیا  سنٹر     ءِ جوڑ  کنگ  بیت۔