سعودی عرب اٹی کاریم کروک آپاکستانی تا زرراہی تس اٹی نومبر اٹی سالانہ بنداوآ 6 درسد ودکی، کچ540 ملین ڈالر ئس، اسٹیٹ بینک

اسلام آباد۔ 11 دسمبر (اے پی پی) سعودی عرب اٹی کاریم کروک آ پاکستانی تا زرراہی تس اٹی نومبر اٹی سالانہ بنداوآ6 درسد نا نمو ریکارڈ کننگانے۔ اسٹیٹ بینک انا حساب وکتاب نا رداٹ نومبر 2023اٹی سعودی عرب اٹی کاریم کروک آ پاکستانیک 540 ملین ڈالر زرمبادلہ ملک آ مون تسر ہرا تدوک آ مالی سال انا ہندا مد انا مقابلہ ٹی 6 درسد زیات ءُ، تدوک آمالی سال انا ہند امد اٹی سعودی عرب اٹی کاریم کروک آ پاکستانیک 512 ملین ڈالرزرمبادلہ ملک آ مون تسوسر۔ اکتوبر نا مقابلہ ٹی  نومبر اٹی سعودی عرب آن زرراہی تس اٹی ماہانہ بنداوآ12 درسد کمتی ریکارڈ کننگا، اکتوبرا ٹی سعودی عرب آن زرراہی تس نا کچ 617 ملین ڈالر ریکارڈ کننگا ہرانومبر اٹی کم مرسا 540 ملین ڈالر مس۔ برجامالی سال انا اولیکو پنچ تُو اٹی سعودی عرب اٹی کاریم کرو ک آ پاکستانیک جم وڑاٹ 2.673 ارب ڈالر زرمبادلہ ملک آ مون تسر۔ تدوک آ مالی سال انا ہند امد اٹی سعودی عرب اٹی کاریم کروک آپاکستانیک 3.041 ملین ڈالر نا زرمبادلہ ملک آ مون تسوسر۔ یات سلے کہ برجامالی سال انا اولیکو پنچ تُو اٹی سمندر پارپاکستانی تا جم زر راہی تس نا کچ 11.045 ارب ڈالر ریکارڈ کننگانے ہرا تدوک آ مالی سال انا ہندا مد انا مقابلہ ٹی 10 درسد کم ءُ ۔ تدوک آ مالی سال انا ہند امد اٹی سمندر پار پاکستانیک 12.318 ارب ڈالر زرمبادلہ ملک آ مون تسوسر۔